സ്വന്തം ലേഖകന്
കോട്ടയം: സാംസ്കാരിക രംഗത്ത് ബാലഗോകുലം വിപ്ലവകരമായമാറ്റങ്ങള് വരുത്തിയെന്ന് കോട്ടയം മെഡിക്കല് കോളേജ് കാര്ഡിയാക് സര്ജന് ഡോ.കെ.ആര്.ജയകുമാര് പറഞ്ഞു. ബാലഗോകുലം ജില്ലാവാര്ഷിക സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. മനസ്സില് നന്മയുണ്ടെങ്കില് മാത്രമേ മനസ്സ് സന്തോഷത്തോടും സമാധാനത്തോടും പോകുകയുളളൂ. നല്ല കണ്ണോടെ നന്മകളൈ കാണുമ്പോള് നന്മമ നമ്മളിലേക്ക് എത്തുന്നുവെന്നും അദ്ദേഹം കൂട്ടിച്ചേര്ത്തു.
ജില്ലാ പ്രസിഡന്റ് ഡോ.ഇ.പി.കൃഷ്ണന് നമ്പൂതിരി അദ്ധ്യക്ഷത വഹിച്ച യോഗത്തില് ബാലസാഹിതി പ്രകാശന് സംസ്ഥാന കാര്യദര്ശി അയ്യപ്പന് മാസ്റ്റര് മുഖ്യപ്രഭാഷണം നടത്തി.
യോഗത്തില് എസ്എസ്എല്സി, പ്ലസ്ടുപരീക്ഷകളില് ഉന്നതവിജയം കരസ്ഥമാക്കിയ ഗോകുലപ്രവര്ത്തകര്ക്കുള്ള പുരസ്കാരം ഗ്രാന്റ് കോളേജ് പ്രിന്സിപ്പല് എ.എസ്.മണി വിതരണം ചെയ്തു. ജില്ലാ രക്ഷാധികാരി ജി.മോഹനചന്ദ്രന്, ജില്ലാ കാര്യദര്ശി പി.സി.ഗിരീഷ്കുമാര്, മേഖലാ അദ്ധ്യക്ഷന് വി.എസ്.മധുസൂദനന് എന്നിവര് സംസാരിച്ചു. തുടര്ന്ന് നടന്ന പ്രതിനിധി സഭയില് ജില്ലാ ഭാരവാഹികളെ തെരഞ്ഞെടുത്തു.
ഡോ.ഇ.പി.കൃഷ്ണന് നമ്പൂതിരി(പ്രസിഡന്റ്), പി.സി.ഗിരീഷ്കുമാര്(സെക്രട്ടറി), ജി.മോഹനചന്ദ്രന്(രക്ഷാധികാരി), എന്.കൃഷ്ണകുമാര്(സഹ രക്ഷാധികാരി), വി.മനു, എം.ബി.ജയന്(വൈസ് പ്രസിഡന്റുമാര്), കെ.ജി.രഞ്ജിത്ത്(ജോയിന്റ് സെക്രട്ടറി), ബി.അജിത്(സംഘടനാ സെക്രട്ടറി), ജി.ജയന്(സഹ സംഘടനാ സെക്രട്ടറി), എസ്.ശങ്കരന്(ഖജാന്ജി), രാഖിമധു(ഭഗിനീപ്രമുഖ്) എന്നിവരാണ് ജില്ലാ ഭാരവാഹികളായി തെരഞ്ഞെടുക്കപ്പെട്ടത്.
തുടര്ന്ന് നടന്ന പ്രതിനിധി സഭയില് ബാലഗോകുലം മേഖലാ കാര്യദര്ശി കെ.എന്.സജികുമാര്, സംസ്ഥാന നിര്വ്വാഹക സമിതിയംഗം സി.സി.ശെല്വന്, പ്രൊഫ.പി.എം.ഗോപി, കെ.എസ്.ശശിധരന് എന്നിവര് വിവിധ വിഷയങ്ങളില് മാര്ഗ്ഗനിര്ദ്ദേശം നല്കി. രണ്ടു ദിവസമായി കോട്ടയം ചിന്മയ സ്കൂളില് നടന്ന ജില്ലാ വാര്ഷിക സമ്മേളനവും പ്രവര്ത്തക ശിബിരവും ഇന്നലെ സമാപിച്ചു.
പ്രതികരിക്കാൻ ഇവിടെ എഴുതുക: