കരിപ്പൂര്: കരിപ്പൂര് വിമാനത്താവളത്തിലെ റണ്വേയില് വിള്ളല് കണ്ടെത്തി. വിമാനത്താവളത്തിന്റെ കിഴക്കു ഭാഗത്തുളള റണ്വേയിലാണ് വിള്ളല് കണ്ടെത്തിയിരിക്കുന്നത്. കനത്ത മഴയെത്തുടര്ന്നാണ് റണ്വേയില് വിള്ളലുണ്ടായതെന്നാണ് പ്രാഥമിക നിഗമനം.
അറ്റകുറ്റപ്പണി നടക്കുന്നതിനാല് ജംബോ വിമാനങ്ങളുടെ സര്വീസ് തടസ്സപ്പെട്ടേക്കും. റണ്വേയിലെ മൂന്ന് മീറ്റര് ഭാഗം തല്ക്കാലം ഉപയോഗിക്കാന് സാധിക്കില്ലെന്നാണ് അധികൃതര് വ്യക്തമാക്കിയത്. സംഭവത്തെക്കുറിച്ച് അന്വേഷിക്കുമെന്ന് വിമാനത്താവള അധികൃതര് വ്യക്തമാക്കി.
ഇപ്പോള് ജംബോ വിമാനങ്ങളുടെ സര്വ്വീസ് മാത്രമാണ് മുടങ്ങുകയെന്നാണ് സൂചന. ഒരു മാസം മുന്പും കരിപ്പൂര് വിമാനത്താവളത്തിലെ റണ്വേയില് വിള്ളല് കണ്ടെത്തിയിരുന്നു.
പ്രതികരിക്കാൻ ഇവിടെ എഴുതുക: