കോട്ടയം: കേന്ദ്രാവിഷ്കൃത ഭവനപദ്ധതി ഇന്ദിരാ ആവാസ് യോജനയിലെ സംവരണം അട്ടിമറിക്കുന്ന മാര്ഗ്ഗരേഖ പിന്വലിക്കണമെന്ന് ഹിന്ദു ഐക്യവേദി സംസ്ഥാന ജനറല് സെക്രട്ടറി ഇ.എസ്.ബിജു ആവശ്യപ്പെട്ടു. കോട്ടയം പൊലീസ് മൈതാനിയില് ഹിന്ദു ഐക്യവേദിയുടെയും സാമൂഹ്യനീതി കര്മ്മസമിതിയുടെയും നേതൃത്വത്തില് നടന്ന സായാഹ്നധര്ണ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ഭവനനിര്മ്മാണ സഹായത്തിന് ഗുണഭോക്താക്കളെ തെരഞ്ഞെടുക്കുന്നതിന് കേന്ദ്രസര്ക്കാര് കേരളത്തിന് മാത്രമായി ഒരു മാര്ഗ്ഗരേഖ പുറപ്പടുവിച്ച് നിലവിലുള്ള മാനദണ്ഡങ്ങളെ അട്ടിമറിച്ചിരിക്കുകയാണ്. പട്ടികജാതി-വര്ഗ്ഗ വിഭാഗങ്ങള്ക്ക് നിലവിലുണ്ടായിരുന്ന 60ശതമാനം സംവരണം 45 ശതമാനം ആയും പൊതുവിഭാഗങ്ങള്ക്ക് ലഭിച്ചു വരുന്ന 25 ശതമാനം വെറും 8ശതമാനം ആയും കുറച്ചു. വികലാംഗര്ക്ക് പ്രത്യേകമായി ഉണ്ടായിരുന്ന 3 ശതമാനം സംവരണവും 25 ശതമാനത്തിലാണ് ഉള്പ്പെടുത്തിയിട്ടുള്ളത്. ന്യൂനപക്ഷവിഭാഗങ്ങള് 15ശതമാനം 47ശതമാനം ആയാണ് ഉയര്ത്തിയിട്ടുള്ളത്.
ഹിന്ദു സമൂഹത്തിലെ നിര്ദ്ധനരും ഭവനരഹിതരുമായ പാവപ്പെട്ട ജനങ്ങള്ക്കു ലഭിച്ചുകൊണ്ടിരിക്കുന്ന ആനുകൂല്യമാണ് വന്തോതില് കവര്ന്നെടുത്ത് ന്യൂനപക്ഷങ്ങള്ക്ക് നല്കിയത്. ഇത് സാമൂഹ്യ നീതിയുടെ നിഷേധവും തികഞ്ഞ മതവിവേചനവുമാണ്. കേരളത്തിലെ സാമുദായിക സന്തുലിതാവസ്ഥയെ ഇല്ലാതാക്കുന്നതാണ് സര്ക്കാരിന്റെ ഈ നടപടി. ഹിന്ദു വിരുദ്ധ മാര്ഗ്ഗരേഖ പിന്വലിക്കാന് സര്ക്കാര് തയ്യാറാകണം. പഴയ മാര്ഗ്ഗരേഖ പുനഃസ്ഥാപിക്കാന് നടപടി സ്വകരിക്കണമെന്ന് ഹിന്ദു ഐക്യവേദി ആവശ്യപ്പെട്ടു.
സായാഹ്നധര്ണയില് ഹിന്ദു ഐക്യവേദി ജില്ലാ വര്ക്കിംഗ് പ്രസിഡന്റ് തമ്പി പട്ടശേരി അദ്ധ്യക്ഷത വഹിച്ചു. പി.കെ.ഭാസ്കരന്(ആദിവാസി ഫെഡറേഷന് ദേശീയ പ്രസിഡന്റ്), കെ.കെ.തങ്കപ്പന്(അഖില കേരളസാംബവ മഹാസഭ ജനറല് സെക്രട്ടറി), പി.ആര്.ശിവരാജന്(ഭാരതീയ വേലന് സൊസൈറ്റി സംസ്ഥാന പ്രസിഡന്റ്), ശാന്തമ്മ കേശവന്(കെഎച്ച്പി & ബിഎസ്എസ് മഹിളാസംഘം ജനറല് സെക്രട്ടറി), വി.എ.ബാലകൃഷ്ണന്(എകെപിഎംഎസ് സംസ്ഥാന അദ്ധ്യക്ഷന്), രവി കുമ്മനം(പരിസ്ഥിതി പ്രവര്ത്തകന്, വിശ്വഹിന്ദു പരിഷത്ത് ജില്ലാ കമ്മറ്റിയംഗം) എന്നിവര് സംസാരിച്ചു. ജില്ലാ സെക്രട്ടറി പി.കെ.ചന്ദ്രന് സ്വാഗതവും ജില്ലാ വൈസ് പ്രസിഡന്റ് വി.ടി.രാജു നന്ദി രേഖപ്പെടുത്തി. ഹിന്ദു ഐക്യവേദി ജില്ലാ സംഘടനാ സെക്രട്ടറി പി.പി.രണരാജന്, ജില്ലാ ജനറല് സെക്രട്ടറി എ.ടി.തുളസീധരന്, വൈസ് പ്രസിഡന്റുമാരായ അംബികാ തമ്പി, ബിന്ദു മോഹനന്, ജില്ലാ സെക്രട്ടറി ആര്.ഹരിലാല്, എം.എസ്.തങ്കപ്പന്(എകെപിഎംഎസ്), സി.വി.രവീന്ദ്രന്, കൃഷ്ണന്കുട്ടി പണിക്കര്(ഭാരതീയ വേലന് സൊസൈറ്റി സംസ്ഥാന വൈസ് പ്രസിഡന്റ്), കെ.ശങ്കരന്(ആര്എസ്എസ് താലൂക്ക് സേവാ പ്രമുഖ്), കെ.സി.രവി, സുമേഷ്, കണ്ണന് ചോറ്റി, മധു, പ്രസാദ് തിരുമേനി, ആശ അജിത്ത്, പി.സി.വിജയമ്മ, സന്തോഷ് വൈക്കം എന്നിവര് ധര്ണയ്ക്ക് നേതൃത്വം നല്കി.
പ്രതികരിക്കാൻ ഇവിടെ എഴുതുക: