കോട്ടയം: അഴിമതിയില് മുങ്ങിയ യുഡിഎഫ് സര്ക്കാരിനെതിരെ ബിജെപി സംസ്ഥാന വ്യാപകമായി കരിദിനം ആചരിക്കുന്നതിന്റെ ഭാഗമായി മുനിസിപ്പല് ടൗണ് കമ്മറ്റിയുടെ നേതൃത്വത്തിലും നാട്ടകം , വിജയപുരം പഞ്ചായത്ത് കമ്മറ്റിയുടെ നേതൃത്വത്തിലും പ്രകടനം നടത്തി. സോളാര് തട്ടിപ്പിന്റെ പേരില് കേരള ജനതയെ വഞ്ചിച്ച ഉമ്മന്ചാണ്ടി സര്ക്കാര് പൂര്ണ്ണ പരാജയമാണെന്നും സോളാര് അഴിമിതിയിലെ പ്രധാന പ്രതിയായ സരിത എസ്. നായര്ക്ക് വഴിവിട്ട സഹായം ചെയ്തുകൊടുത്ത തിരുവഞ്ചൂര് രാധാകൃഷ്ണനും ഇന്ന് കേരളത്തില് പുറത്തുവന്നിരിക്കുന്ന അഴിമതിയുടെ മുഴുവന് ഉത്തരവാദിത്വവും ഏറ്റെടുത്ത് രാജിവച്ച് പൊതുസമൂഹത്തോട് മാപ്പ് പറയണമെന്ന് കരിദിന പ്രകടനം ഉദ്ഘാടനം ചെയ്തുകൊണ്ട് ബിജെപി കോട്ടയം നിയോജകമണ്ഡലം പ്രസിഡന്റ് സി.എന്. സുഭാഷ് അഭിപ്രായപ്പെട്ടു.
ബിജെപി മുനിസിപ്പല് ടൗണ് കമ്മറ്റി പ്രസിഡന്റ് നാസര് റാവൂത്തര് നേതൃത്വം നല്കിയ പ്രകടനത്തില് പി.ജെ. ഹരികുമാര്, വി.പി. മുകേഷ്, റ്റി.എന്. ഹരികുമാര്, കുസുമാലയം ബാലകൃഷ്ണന്, ശരത്കുമാര്, റോയ് കെ. തോമസ്, ജി.കെ, ഹരി, റ്റി.ആര്. സുഗുണന്, രാജേഷ് ചെറിയമഠം, ശ്രീക്കുട്ടന് വടവാതൂര്, കൃഷ്ണന്കുട്ടി, ആര്. രാജു എന്നിവര് വിവിധ സ്ഥലങ്ങളില് പ്രകടനത്തിന് നേതൃത്വം നല്കി. പനച്ചിക്കാട് നടന്ന പ്രകടനത്തിന് എസ്. രാധാകൃഷ്ണന്, കെ.എന്. സജീവ്, വിനോദ് എന്നിവര് നേതൃത്വം നല്കി. ചിങ്ങവനത്ത് നടന്ന പ്രകടനത്തിന് യുവമോര്ച്ച് ജില്ലാ ജനറല് സെക്രട്ടറി എസ്. രതീഷ്, ബിജെപി ജില്ലാ കമ്മറ്റി അംഗം ടി.പി. ഷാജി, പഞ്ചായത്ത് കമ്മറ്റി പ്രസിഡന്റ് തൈച്ചിറ ഷാജി, യുവമോര്ച്ച നിയോജകമണ്ഡലം ജനറല് സെക്രട്ടറി ഗോപന് കെ.എസ്., രാജീവ്, പ്രവീണ് ജോണ്സണ് എന്നിവര് നേതൃത്വം നല്കി.
പ്രതികരിക്കാൻ ഇവിടെ എഴുതുക: