എരുമേലി: കൊടിത്തോട്ടം ചെമ്പകപ്പാറ മേഖലയില് അനധികൃതമായി തുടങ്ങുന്ന ക്രഷര് യൂണിറ്റിനെതിരെ ജനകീയ കൂട്ടായ്മ. കഴിഞ്ഞ പഞ്ചായത്ത് ഭരണസമിതിയുടെ ഒത്താശയോടെ ക്രഷര് യൂണീറ്റ് നടപടികള് നിയമവിരുദ്ധമായി തുടങ്ങുകയായിരുന്നു. മേഖലയിലെ നൂറുകണക്കിന് കുടുംബങ്ങളെയും സ്കൂല് കോളേജ് പ്രവര്ത്തനങ്ങളെയും തകിം മറിക്കാന് ക്രഷര് യൂണീറ്റ് വഴിയൊരുക്കുമെന്നും ആക്ഷന്കൗണ്സില് ആരോപിച്ചു.
പരിസ്ഥിതി ഭീഷണിയുയര്ത്തുന്ന ക്രഷര് യൂണീറ്റിന്റെ പ്രവര്ത്തനനടപടികള് അടിയന്തിരമായ നിര്ത്താന് പഞ്ചായത്ത് നടപടിയെടുക്കണമെന്നും കൗണ്സില് ആരോപിച്ചു. ക്രഷര് യൂണിറ്റിനെതിരെയുള്ള ആദ്യഘട്ട പ്രക്ഷോഭമെന്ന നിലയില് 28ന് വമ്പിച്ച ജനകീയ കണ്വന്ഷന് നടത്താനും യോഗം തീരുമാനിച്ചു. ആക്ഷന്കൗണ്സില് ഭാരാവിഹകളായി വാര്ഡംഗം കെ.ആര് അജേഷ് (രക്ഷാധികാരി), രഞ്ജിത് കാക്കയം(ചെയര്മാന്) എന്നിവരെ തെരഞ്ഞെടുത്തു. ഇന്നലെ നടന്ന സമരപ്രഖ്യാപന യോഗത്തില് പഞ്ചായത്തംഗം കെ.ആര്.അജേഷ്, ചെയര്മാന് രഞ്ജിത് കാക്കയം, നാസര് പനച്ചി, ഇസ്മയില് ഹാജി, ഹാഷിം കൈതക്കല്, എന്.ബി.ഉണ്ികൃഷ്ണന് സുനില് ജാഫര്, കരീം എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: