കണ്ണൂര്: കണ്ണൂര് ശ്രീകണ്ഠാപുരത്ത് എട്ട് വയസുകാരിയായ കുട്ടിയെ പീഡിപ്പിച്ച കേസില് യുവാവ് അറസ്റ്റില്. തളിപ്പറമ്പ് കുറ്റിക്കോള് സ്വദേശിയായ രജീഷാണ് പിടിയിലാത്. ഇയാളെ റിമാന്ഡ് ചെയ്തു.
കഴിഞ്ഞ ജൂണ് പതിനഞ്ചിനാണ് സ്കൂള് വിദ്യാര്ത്ഥിനിയായ പെണ്കുട്ടിക്ക് നേരെ പെയിന്റിങ് തൊഴിലാളിയായ യുവാവിന്റെ അതിക്രമം ഉണ്ടായത്. പെണ്കുട്ടി സ്കൂള് വിട്ടു വരുന്ന വഴിയിലെ കുറ്റിക്കാട്ടില് ഒളിച്ചിരുന്ന ഇയാള് കുട്ടിയെ കടന്ന് പിടിക്കുകയും കുറ്റിക്കാട്ടിനുള്ളിലേക്ക് കൊണ്ടുപോയി പീഡിപ്പിക്കുകയും ചെയ്തു. ഇതില് ഭയന്നുപോയ പെണ്കുട്ടി സംഭവം ആരോടും പറഞ്ഞിരുന്നില്ല.
സ്കൂളില് അസ്വസ്ഥയായി ഇരിക്കുന്ന കുട്ടിയെ കണ്ട അധ്യാപികര് വിവരം ചോദിച്ചപ്പോഴാണ് പീഡന വിവരം പുറത്തറിഞ്ഞത്. കുട്ടിയുടെ പിതാവിന്റെ പരാതിപ്രകാരമാണ് പ്രതിയെ അറസ്റ്റ് ചെയ്തത്.
പ്രതികരിക്കാൻ ഇവിടെ എഴുതുക: