കോട്ടയം: കോണ്ഗ്രസിന്റെ ദുര്ഭരണംമൂലം ജനങ്ങളാകെ ദുരിതത്തിലായിരിക്കുകയാണെന്ന് ബിജെപി ജില്ലാ പ്രസിഡന്റ് ഏറ്റുമാനൂര് രാധാകൃഷ്ണന് അഭിപ്രായപ്പെട്ടു. കോട്ടയം നഗരസഭ നോര്ത്ത് കണ്വന്ഷന് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അധികാരത്തിലേറി രണ്ടരവര്ഷം പൂര്ത്തിയാകുമ്പോഴും തെരഞ്ഞെടുപ്പു വാഗ്ദാനങ്ങളൊന്നും നടപ്പാക്കിയില്ലായെന്നു മാത്രമല്ല, കുതിച്ചുകയറുന്ന വിലക്കയറ്റം, വെള്ളപ്പൊക്കം എന്നിവ മൂലം ദുരിതം അനുഭവിക്കുന്ന സാധാരണ ജനങ്ങള്, താറുമാറായ റോഡുകള്, വര്ദ്ധിച്ചുവരുന്ന തൊഴിലില്ലായ്മ, എല്ലാ മേഖലയെയും കാര്ന്നുതിന്നുന്ന അഴിമതി എന്നിവയില് നിന്നുളള മോചനമാണ് കേരള ജനത ആഗ്രഹിക്കുന്നതെന്നും അദ്ദേഹം അഭിപ്രായപ്പെട്ടു.
കുസുമാലയം ബാലകൃഷ്ണന് അദ്ധ്യക്ഷത വഹിച്ച യോഗത്തില് സംസ്ഥാന കമ്മറ്റിയംഗം പി.കെ.രവീന്ദ്രന് നിയോജകമണ്ഡലം പ്രസിഡന്റ് സി.എന്.സുഭാഷ്, പ്രൊഫ.ബി.വിജയകുമാര്, നിയോജകമണ്ഡലം ജനറല് സെക്രട്ടറി പി.ജെ.ഹരികുമാര്, മുനിസിപ്പല് കൗണ്സിലര്മാരായ ജയശ്രീ പ്രസന്നന്, ഡി.ഹരിനാരായണന്, ടൗണ് പ്രസിഡന്റ് നാസര് റാവുത്തര് എന്നിവര് പ്രസംഗിച്ചു.
ഭാരവാഹികളായി ജി.ആര്.ശശി(പ്രസിഡന്റ്), ഗോപി മേനാംപുറം, രേണുകാശശി(വൈസ് പ്രസിഡന്റുമാര്), പി.എന്.വിജയകുമാര്, പി.ടി.റിജോഷ്(ജനറല് സെക്രട്ടറിമാര്), ബാബു ഭട്ടതിരി(ഖജാന്ജി) എന്നിവരെ തെരഞ്ഞെടുത്തു.
പ്രതികരിക്കാൻ ഇവിടെ എഴുതുക: