ദേവന്മാര്ക്ക് ജരാനരകള് ബാധിച്ചതുപോലെ ഈ ഭൂമിയില് പിറന്ന മനുഷ്യരായ നാമെല്ലാവരും ജരാനരകള് ബാധിച്ചവരായി തീര്ന്നിരിക്കുന്നു. നാം ഇന്ന് അനുഭവിച്ചുകൊണ്ടിരിക്കുന്ന ദുഃഖം, അസ്വസ്ഥത, കലഹം, വെപ്രാളം തുടങ്ങിയവയെല്ലാം നമുക്ക് ജരാനരകള് ബാധിച്ചതിന്റെ ലക്ഷണമാണ്. എന്തുകൊണ്ട് ഇങ്ങനെ സംഭവിച്ചു എന്നു ചിന്തിച്ചാല് അതിനും പ്രത്യേക കാരണം ഉണ്ട്. ഈ പ്രപഞ്ചത്തില് പിറന്ന നാം ആചരിക്കേണ്ട ധര്മനിഷ്ഠകളില് നിന്ന് വഴിതെറ്റി ഹീനവൃത്തികളായി അധഃപതിച്ചതിന്റെ ഫലമായാണ് ഈ ദുര്വിധി നമുക്ക് വന്നുപെട്ടിരിക്കുന്നത്. ധര്മം പിഴച്ചവനെ പ്രപഞ്ചശക്തികള് ശപിക്കുമത്രേ. ശപിക്കപ്പെട്ട ജീവന്മാര് നിത്യദുഃഖത്തില് നരകിക്കേണ്ടിവരും. ധര്മത്തിന് വിരുദ്ധമായി ജീവിക്കുമ്പോള് ഋഷിമാര് ദേവന്മാരെ ശപിക്കുന്ന പലകഥകളും പുരാണങ്ങളില് നമ്മള് കേട്ടിട്ടുണ്ടാകുമല്ലോ. അതിന്റെ സൂചന ഈ പറഞ്ഞത് തന്നെയാണ്. അപ്പോള് പ്രപഞ്ച ശക്തികളുടെ ശാപം ഏറ്റുവാങ്ങി ജരാനരകള് ബാധിച്ച് ജീവിത ക്ലേശം അനുഭവിച്ചുകൊണ്ടിരിക്കുന്ന ജീവന്മാര്ക്ക് എന്താണ് മോചനമാര്ഗം.
– തഥാതന്
പ്രതികരിക്കാൻ ഇവിടെ എഴുതുക: