ക്വസിയുങ്ങ്: തായ്വാനില് നടക്കുന്ന ചലഞ്ചര് ടെന്നീസ് ടൂര്ണമെന്റില് ഇന്ത്യയുടെ യൂക്കി ഭാംബ്രിക്ക് അട്ടിമറി ജയം. ഏഴാം സീഡ് ജപ്പാന്റെ യുച്ചി സുഗിതയെ കീഴടക്കിയ ഭാംബ്രി ക്വാര്ട്ടറില് കടന്നു, സ്കോര്: 7-6, 7-5. ലോക റാങ്കില് തന്നെക്കാള് മുന്നിലുള്ള സുഗിതയ്ക്കെതിരായ ജയം യൂക്കിയുടെ ആത്മവിശ്വാസമേറ്റുന്നതായി. ഇതിനു മുന്പുള്ള രണ്ടു നേര്ക്കുനേര് മത്സരങ്ങളിലും വിജയം സുഗിതയ്ക്കൊപ്പം നിന്നിരുന്നു.
ഇരുതാരങ്ങളും സ്വന്തം സര്വീസ് ഗെയിമുകളില് പിഴവുകള് വരുത്തിയ ആദ്യ സെറ്റിന്റെ വിധി ടൈബ്രേക്കറിലാണ് എഴുതപ്പെട്ടത്. നിര്ണായക നിമിഷത്തില് പോയിന്റ് ഉറപ്പിച്ച ഭാംബ്രി സെറ്റ് സ്വന്തമാക്കി. രണ്ടാം സെറ്റില് ഭാംബ്രിയുടെ സര്വ് തുടക്കത്തില് നന്നെ സുഗിത ഭേദിച്ചു. എന്നാല് ഡബിള് ബ്രക്കിലൂടെ തിരിച്ചുവന്ന ഇന്ത്യന് താരം മത്സരം കൈക്കലാക്കി.
പ്രതികരിക്കാൻ ഇവിടെ എഴുതുക: