കണ്ണൂര്: 43-ാമത് കേരളാ പോലീസ് അത്ലറ്റിക്സ് മീറ്റിന് കണ്ണൂരില് തുടക്കമായി. ആദ്യ ദിവസത്തെ മത്സരങ്ങള് അവസാനിക്കുമ്പോള് ജില്ലാ വിഭാഗത്തില് 26 പോയിന്റുമായി കണ്ണൂരും ബറ്റാലിയന് വിഭാഗത്തില് 38 പോയിന്റുമായി തൃശ്ശൂര് ഇന്ത്യന് റിസര്വ് ബറ്റാലിയനും മുന്നിലാണ്. ജില്ലാ വിഭാഗത്തില് തൃശ്ശൂര് രണ്ടാം സ്ഥാനത്തും വയനാട് മൂന്നാം സ്ഥാനത്തുമാണ്. ബറ്റാലിയന് വിഭാഗത്തില് 36 പോയിന്റുമായി കെഎപി (1) തൃശ്ശൂര് രണ്ടാം സ്ഥാനത്തും 26 പോയിന്റുമായി മലപ്പുറം എംഎസ്പി മൂന്നാം സ്ഥാനത്തുമാണ്.
കണ്ണൂരില് നടക്കുന്ന സംസ്ഥാന പോലീസ് അത്ലറ്റിക് മീറ്റില് മത്സരം, സ്വര്ണ്ണം, വെള്ളി, വെങ്കലം നേടിയവര്, ജില്ല. പുരുഷ വിഭാഗം 10000 മീറ്റര് ഓട്ടം: സന്ദീപ് കുമാര് (എംഎസ്പി മലപ്പുറം), ഷെറിന് (റിസര്വ്വ് ബറ്റാലിയന് തൃശ്ശൂര്), സുജേഷ് (കാസര്കോട്). ഷോട്ട്പുട്ട്: ജിയോ ജോണ് (സ്പെഷ്യല് ആംഡ് പോലീസ് തിരുവനന്തപുരം), ലാല്ബാബു (കെഎപി 1 തൃശ്ശൂര്), വി.ജെ. തോമസ് (കെഎപി 5 മണിയാര്). 200 മീറ്റര് (പുരുഷവിഭാഗം): രാഹുല് ജി പിള്ളൈ (കെഎപി 3 അഡൂര്), എം.എം. ശ്രീരാജ് (കെഎപി 5 മണിയാര്), നിഖില്ദാസ് (എംഎസ്പി മലപ്പുറം). പുരുഷവിഭാഗം 400 മീറ്റര് ഹര്ഡില്സ്: ജോമോന് (എംഎസ്പി മലപ്പുറം), ജോസ് പ്രവീണ് (വയനാട്), ഷമീര് (കണ്ണൂര്). ഹൈജംമ്പ് (പുരുഷവിഭാഗം): സന്ജിത്ത് (റിസര്വ്വ് ബറ്റാലിയന് തൃശ്ശൂര്), ലിപിന് രാജ് (കെഎപി തൃശ്ശൂര്), ജോസ് പ്രവീണ് (വയനാട്). 1500 മീറ്റര് (പുരുഷവിഭാഗം): സുജിത്ത് (തൃശ്ശൂര്), ഷാജി (റിസര്വ് ബറ്റാലിയന്,തൃശ്ശൂര്), ഇളങ്കോവന് (പാലക്കാട്). 200 മീറ്റര് (വനിതാ വിഭാഗം): എസ്.സിനി (കെഎപി 1 തൃശ്ശൂര്), വിജി വിജയന് (കെഎപി 4 മാങ്ങാട്ടുപറമ്പ്), നീതു രാജന് (കെഎപി 1 തൃശ്ശൂര്). ഹൈജമ്പ് (വനിതാ വിഭാഗം): എന്.ഡി. ടിന്റു (കെഎപി 1 തൃശ്ശൂര്), വി. ഷീബ (പാലക്കാട്), ബിന്ദു കോട്ടയം. 800 മീറ്റര് (വനിതാ വിഭാഗം): ചിഞ്ജുജോസ് (കെഎപി 1 തൃശ്ശൂര്), നീതുമോള് പി. മാത്യു (മലപ്പുറം എംഎസ്പി), ജമീല (കണ്ണൂര്). ജാവലിങ്ങ് ത്രോ (വനിതാ വിഭാഗം): ലിന്റമോള് എം. രാജന് (കെഎപി 3 അഡൂര്), ബിന്ദു (കോട്ടയം), ജയന്തി (തൃശ്ശൂര്).
നേരത്തെ കണ്ണൂര് പോലീസ് പരേഡ് ഗ്രൗണ്ടില് ആഭ്യന്തരമന്ത്രി തിരുവഞ്ചൂര് രാധാകൃഷ്ണന് മീറ്റ് ഉദ്ഘാടനം ചെയ്തു. ഉദ്ഘാടനത്തോടനുബന്ധിച്ച് കായികതാരങ്ങള് പങ്കെടുത്ത വര്ണശബളമായ മാര്ച്ച് പാസ്റ്റ് നടന്നു. ചടങ്ങില് പ്രമുഖ കായികതാരങ്ങളായ ചിഞ്ചു ജോസ്, സിനി.എസ്., രാഹുല് ജി.പിള്ള, ബേസില് ജോസ്, കെ.ജി.രഞ്ജിത്ത്, സുഭാഷ് ജോര്ജ് തുടങ്ങിയവര്ക്ക് ആഭ്യന്തരമന്ത്രി ഉപഹാരം നല്കി. ഉത്തര മേഖലാ എഡിജിപി ശങ്കര് റെഡ്ഡി, കണ്ണൂര് റെയ്ഞ്ച് ഐജി സുരേഷ് രാജ് പുരോഹിത്, ഐജി ബി.സന്ധ്യ, എസ്പി രാഹുല് ആര്.നായര് തുടങ്ങിയവര് ചടങ്ങില് സംബന്ധിച്ചു. ഉദ്ഘാടനത്തോടനുബന്ധിച്ച് വിവിധ കലാമേളകളും അരങ്ങേറി.
കെ. സതീശന്
പ്രതികരിക്കാൻ ഇവിടെ എഴുതുക: