നഗരങ്ങളെ ഹരിതാഭമാക്കാന് ഉദ്ദേശിച്ച് അര്ബന് ഫോറസ്ട്രി പദ്ധതി പ്രകാരമുള്ള പ്രവര്ത്തനങ്ങള് വിലയിരുത്തി പരിപാലന പ്രവര്ത്തനങ്ങള് നടത്തിവരുന്നു. ഇതിന്റെ ഭാഗമായി എറണാകുളം റീജിയണില് എഒറ്റിഎസ് കോമ്പൗണ്ട് കളമശ്ശേരി, കിന്ഫ്ര, ന്യൂവല്സ്, ബ്ലാക്ക് ബെറി കളമശ്ശേരി എന്നിവിടങ്ങളിലായി 1250 വൃക്ഷത്തൈകള് നട്ടുപിടിപ്പിച്ചു.
ഇതില് പ്രതികൂല സാഹചര്യങ്ങളെ അതിജീവിച്ച് 75 ശതമാനം നിലനില്ക്കുന്നു. കൊല്ലം റീജിയണില് തിരുവനന്തപുരം സോഷ്യല് ഫോറസ്ട്രി ഡിവിഷനില് ശാസ്തമംഗലം- വെള്ളയമ്പലം റോഡിന്റെ ഇരുവശങ്ങളിലും കോണ്ക്രീറ്റ് ചെടിച്ചട്ടികളില് 100 അലങ്കാര സസ്യങ്ങള് വച്ചുപിടിപ്പിച്ച് പരിപാലിച്ചുവരുന്നു. തദ്ദേശസ്വയംഭരണ സ്ഥാപനങ്ങള്, പൊതുസ്ഥാപനങ്ങള് എന്നിവരുടെ സഹകരണത്തോടെ പ്രസ്തുത പദ്ധതി വ്യാപിപ്പിക്കാന് ഉദ്ദേശിക്കുന്നു. ഇതിനായി സ്ഥലം ലഭ്യമാക്കുന്നതിനുവേണ്ടി ബന്ധപ്പെട്ട തദ്ദേശസ്വയംഭരണ സ്ഥാപനങ്ങള്, പൊതു സ്ഥാപനങ്ങള് എന്നിവരുമായി ചര്ച്ചകള് പുരോഗമിച്ചു വരുന്നു. സ്ഥലം ലഭ്യമാകുന്ന മുറയ്ക്ക് പദ്ധതി വിപുലീകരിക്കുന്നതാണ്.
നിലവില് ഹരിതകേരളം പദ്ധതിയില് ഉള്പ്പെടുത്തി സോഷ്യല് ഫോറസ്ട്രി വിഭാഗം മുഖേന സര്ക്കാര്, അര്ദ്ധസര്ക്കാര്, പൊതുമേഖലാ സ്ഥാപനങ്ങള് എന്നീ സ്ഥലങ്ങളില് വൃക്ഷവല്ക്കരണം നടത്തുന്നതിനായി അനുയോജ്യമായ വൃക്ഷത്തൈകള് വിതരണം ചെയ്തുവരുന്നു. അതോടൊപ്പം പാതയോരങ്ങളില് ലഭ്യമായ സ്ഥലങ്ങളില് സോഷ്യല് ഫോറസ്ട്രി വിഭാഗം മുഖേന വൃക്ഷത്തൈകള് നട്ട് പരിപാലിച്ചുവരുന്നു. സ്ഥല ലഭ്യതയനുസരിച്ച് ബന്ധപ്പെട്ട തദ്ദേശസ്വയംഭരണ സ്ഥാപനങ്ങള്, പൊതുസ്ഥാപനങ്ങള് തുടങ്ങിയവയെ ഉള്പ്പെടുത്തി പദ്ധതി വിപുലീകരിക്കുന്നതാണ്.
(2013 ജൂലൈ ഒമ്പതിന് മുഖ്യമന്ത്രി ഉമ്മന്ചാണ്ടി
നിയമസഭയെ അറിയിച്ചത്)
പ്രതികരിക്കാൻ ഇവിടെ എഴുതുക: