ചങ്ങനാശേരി: ഹിന്ദു ഐക്യവേദി ചങ്ങനാശേരി താലൂക്ക് സമിതിയുടെ നേതൃത്വത്തില് ക്ഷേത്രങ്ങളുടെ ഭാരവാഹികള് ചേര്ന്ന് ക്ഷേത്ര ഏകോപനസമിതി രൂപീകരിച്ചു. യോഗം ഇടുക്കി മങ്കോട്ടുകാവ് ദേവസ്ഥാനം മഠാധിപതി സ്വാമി ദേവചൈതന്യ ഉദ്ഘാടനം ചെയ്തു.
ക്ഷേത്ര ഉത്സവാദിചടങ്ങുകള്ക്കുവേണ്ടി ഭക്തരില്നിന്നും സംഭാവനയായി പിരിക്കുന്ന തുകയുടെ പത്തുശതമാനം മുന്കൂറായി ദേവസ്വത്തില് അടയ്ക്കണമെന്നുള്ള ഉത്തരവ് പിന്വലിക്കുക, ക്ഷേത്രകലകള് നടത്തുന്നതിന് ദേവസ്വം ബോര്ഡ് നല്കി വന്നിരുന്ന പടിത്തരം പുനരാരംഭിക്കുക കാണിക്ക എണ്ണി തിട്ടപ്പെടുത്തുന്നതിന് ഭക്തജനങ്ങളുടെയും ക്ഷേത്രോപദേശക സമിതിയുടെയും സാന്നിധ്യത്തില് നടത്തുക, ശാന്തിക്കാര്ക്കുള്ളതുപോലെ തന്നെ വാദ്യ ഉപകരണങ്ങള് കൈകാര്യം ചെയ്യുന്നവര്ക്കും പഠനശാലകള് ബോര്ഡ് ഏര്പ്പെടുത്തുക എന്നീ ആവശ്യങ്ങള് യോഗം അംഗീകരിച്ച പ്രമേയം ദേവസ്വം ബോര്ഡിനോടും സര്ക്കാരിനോടും ആവശ്യപ്പെട്ടു. യോഗത്തില് കെ.എന്. മോഹനന്നായര് അധ്യക്ഷത വഹിച്ചു. കെ.എന്.ലെനിന്, റ്റി.ആര്.രവീന്ദ്രന്, സി.എന്. അനില്കുമാര്, മോഹന്ദാസ് നെടുംകുന്നം, രാമചന്ദ്രന്നായര്, കെ.അനില്കുമാര്, കെ.എന്.സുഗുണന് എന്നിവര് പ്രസംഗിച്ചു. ഭാരവാഹികളായി ആര്.രാധാകൃഷ്ണന്, എന്.രാമചന്ദ്രന്, മോഹന്ദാസ് എന്നിവരെ രക്ഷാധികാരികളെയും കെ.എന്.മോഹന്നായരെ ചെയര്മാനായും തെരഞ്ഞെടുത്തു. കെ.എന്.സുഗുണന്, ജയതിലകന്, രാധാകൃഷ്ണകൈമള് (വൈസ്ചെയര്മാന്മാര്), സി.എന്.അനില്കുമാര് (ജനറല് കണ്വീനര്), കെ.അനില്കുമാര്, വി.കെ. സജികുമാര്, ഉണ്ണികൃഷ്ണന് (ജോ.കണ്വീനര്മാര്), അരവിന്ദാക്ഷകുറുപ്പ് (ട്രഷറര്) എന്നിവരെയും തെരഞ്ഞെടുത്തു.
പ്രതികരിക്കാൻ ഇവിടെ എഴുതുക: