ന്യൂദല്ഹി: പാചകവാതക സബ്സിഡിക്ക് ആധാര് കാര്ഡ് നിര്ബന്ധമാണെന്ന് കേന്ദ്ര സര്ക്കാര്. ബാങ്ക് അക്കൗണ്ടുമായി ആധാര് നമ്പര് ബന്ധിപ്പിച്ചവര്ക്ക് മാത്രമാണ് സബ്സിഡിയെന്നും പെട്രോളിയം മന്ത്രാലയം വ്യക്തമാക്കി. ജനുവരി ഒന്ന് മുതലാണ് സബ്സിഡിക്ക് ആധാര് കാര്ഡ് നിര്ബന്ധമാക്കുന്നത്.
സബ്സിഡി ലഭിക്കാന് ആധാര് കാര്ഡ് നിര്ബന്ധമല്ലെന്ന് സെപ്തംബര് 23ന് സുപ്രീംകോടതി വിധിച്ചിരുന്നു. ആധാര് കാര്ഡിന്റെ പേരില് സേവനങ്ങള് നിഷേധിക്കരുതെന്നും പാചകവാതകത്തിന് അടക്കം ആധാര് കാര്ഡ് നിര്ബന്ധമാക്കരുതെന്നും നിര്ദ്ദേശിച്ചാണ് സുപ്രീംകോടതി ഇടക്കാല ഉത്തരവിറക്കിയത്. ഇക്കാര്യത്തില് വ്യക്തത ആവശ്യപ്പെട്ട് കേന്ദ്രസര്ക്കാര് സുപ്രീംകോടതിയെ സമീപിച്ചിരുന്നെങ്കിലും ഉത്തരവ് പുനഃപരിശോധിക്കാനാകില്ലെന്നാണ് കോടതി വ്യക്തമാക്കിയത്.
പ്രതികരിക്കാൻ ഇവിടെ എഴുതുക: