കോട്ടയം: ഹിന്ദുത്വത്തില് ആത്മവിശ്വാസവും അഭിമാനവും ഉണ്ടെങ്കില് മാത്രമേ നമുക്ക് വിജയം കൈവരിക്കാന് കഴിയൂവെന്ന് ഹിന്ദു ഐക്യവേദി സംസ്ഥാന അദ്ധ്യക്ഷ കെ.പി.ശശികല ടീച്ചര് പറഞ്ഞു. 31-ാമത് അഖിലഭാരത ഭാഗവത സത്രവേദിയില് ഹിന്ദുധര്മ്മം എന്ന വിഷയത്തെ അധികരിച്ച് സംസാരിക്കുകയായിരുന്നു അവര്.
ഇതിന് ഭാഗവതം എന്ന് മഹനീയ ഗ്രന്ഥത്തിലെ ഓരോ സൂക്തങ്ങളും അതുപോലെ ഹൈന്ദവ ഗ്രന്ഥങ്ങളും ഓരോ ഹിന്ദുവും അറിഞ്ഞിരിക്കേണ്ടതാണ്. നമ്മുടെ ധര്മ്മത്തിനെതിരെ എവിടെയും വിലക്കുകള് ഏര്പ്പെടുത്താനാണ് മതേതരത്വം എന്ന ആശയത്തിന്റെ മറവില് ഭരണകര്ത്താക്കള് ഉള്പ്പെടെ പലരും ചെയ്യുന്നത്. ഇതിനെതിരെ എല്ലാ വൈരുദ്ധ്യങ്ങളും മറന്ന് നാം ഒന്നിക്കേണ്ടിയിരിക്കുന്നു. നമ്മുടെ ഒത്തുചേരലിന് ധര്മ്മം അടിസ്ഥാനമാണ്. അതിനാല് ഹൈന്ദവ ധര്മ്മത്തെസംരക്ഷിക്കേണ്ടവര് നമ്മള്തന്നെ. സര്വ്വ ചരാചരങ്ങളിലും ദൈവത്വം കാണുന്ന ഹിന്ദുത്വം ലോകത്തിന് തന്നെ മാതൃകയാണ്. പ്രകൃതി നമുക്ക് മംഗളത്വം തരുന്നു. തിരിച്ച് പ്രകൃതി എന്ന സത്യത്തെയും നമ്മള് സംരക്ഷിക്കേണ്ടിയിരിക്കുന്നു.
ഫാഷന്റെയും മറവിലും ഹിന്ദു ആചാരാനുഷ്ഠാനങ്ങള്ക്കെതിരെ വലിയ പ്രവര്ത്തനങ്ങള് നടക്കുന്നുണ്ട്. ഭാവി തലമുറകള്ക്ക് ഹൈന്ദവീയം എന്ന ബീജമന്ത്രങ്ങള് നമുക്ക് നല്കാന് കഴിയണം. ഹിന്ദുക്കള് തകരുന്നതിന് പിന്നില് നമ്മുടെ അഭിനയമാണ് കാരണം. നമ്മുടെ ധര്മ്മത്തെക്കുറിച്ച് തുറന്നു പറയാനും ആത്മവിശ്വാസത്തോടെ അത് മറ്റുള്ളവര്ക്ക് പകര്ന്നുനല്കാനുമുള്ള കരുത്ത് ആര്ജ്ജിക്കേണ്ടിയിരിക്കുന്നു. ഇന്ന് ഭരണകൂടം മതത്തെ മാനദണ്ഡമാക്കുകയാണ്. ന്യൂനപക്ഷത്തിലെ പിഞ്ചുകുട്ടികള്ക്ക് രോഗശുശ്രൂഷയുടെ ഭാഗമായി സ്കോളര്ഷിപ്പ് നല്കാന് നിയമങ്ങള് പോലും അട്ടിമറിക്കുന്നു. വിവാഹപ്രായത്തിനുപോലും മതം അടിസ്ഥാനമാക്കുന്നു. സമസ്ത മേഖലകളില് നിന്നും ഹൈന്ദവ ധര്മ്മത്തെ തകര്ക്കാന് ശ്രമക്കുന്നവര്ക്കെതിരെ നമ്മള് ജാഗരൂകരാകണം. കാലാകാലങ്ങളില് ഹൈന്ദവ ധര്മ്മത്തെ സംരക്ഷിച്ച മഹാന്മാരുടെ പാതകള് നമ്മള് പിന്തുടരണം. ഇതിനായി ഭാഗവതം തുടങ്ങി മഹദ് ഗ്രന്ഥങ്ങളിലെ അറിവുകള് സ്വായത്തമാക്കാന് നമുക്ക് കഴിയണം. ഇത് ധര്മ്മസംരക്ഷണമാണ്. അതിനാല് ധര്മ്മം നമ്മളെയും സംരക്ഷിക്കുമെന്നും അവര് പറഞ്ഞു.
പ്രതികരിക്കാൻ ഇവിടെ എഴുതുക: