കോട്ടയം: ജില്ലയില് 21,06,8687 (106.44ശതമാനം) ആളുകള് ആധാര് എന്റോള്മെന്റ് നടത്തിക്കഴിഞ്ഞു. ഇതില് 17,72,564 (89.55ശതമാനം) പേര്ക്ക് ഇതിനോടകം ആധാര് നമ്പര് നല്കിയിട്ടുണ്ട്. ആധാര് നമ്പര് തപാല് മുഖേന ലഭിക്കുമെന്ന് അക്ഷയ അസിസ്റ്റന്റ് ജില്ലാ കോ-ഓര്ഡിനേറ്റര് അറിയിച്ചു. തപാല് മുഖേന ലഭിക്കാത്തവര്ക്ക് ഇ-ആധാര് പോര്ട്ടല് മുഖേന ഡൗണ്ലോഡ് ചെയ്ത് ഉപയോഗിക്കാം. ജില്ലയിലെ എല്ലാ അക്ഷയകേന്ദ്രങ്ങളിലും ആധാര് കാര്ഡ് ഡൗണ്ലോഡ് ചെയ്യുന്നതിനും, എന്റോള് മെന്റിന്റെ സ്റ്റാറ്റസ് അറിയുന്നതിനുമുള്ള സൗകര്യം ലഭ്യമാണ്. സ്റ്റാറ്റസ് അണ്ടര് പ്രോസസ് / ജനറേഷന് ആണെങ്കില് വീണ്ടും ആധാറിനായി എന്റോള്മെന്റ് ചെയ്യേണ്ടതില്ല. എന്റോള്മെന്റ് നിരസിക്കപ്പെട്ടവര്, നിലവില് എന്റോള്മെന്റ് നടത്താത്തവര് വീണ്ടും എന്റോള്മെന്റ് നടത്തേണ്ടതാണ്. കോട്ടയം ജില്ലയില് മള്ളൂശേരി, സംക്രാന്തി, കാണക്കാരി, വയല, പൈക ഹോസ്പിറ്റല് ജംഗ്ഷന്, നീലൂര്, ചേനപ്പാടി, വിഴിക്കത്തോട്, ചങ്ങനാശേരി, കുരിശുമ്മൂട്, ചങ്ങനാശേരി ടൗണ്, പായിപ്പാട്, പാമ്പാടി, ചെമ്പ്, തോട്ടുവക്കം, വല്ലകം, തലപ്പാറ, വെള്ളൂര്, കുമരകം എന്നീസ്ഥലങ്ങളില് പ്രവര്ത്തിക്കുന്ന അക്ഷയകേന്ദ്രങ്ങളില് ഇതിനായി സൗകര്യം ലഭ്യമാണ്.
ആധാര് എന്റോള്മെന്റ് നടത്തിയവര്ക്ക് അത് ലഭിക്കാത്തത് സംബന്ധിച്ചും ലഭിച്ചവര്ക്ക് ഏതെങ്കിലും തരത്തിലുള്ള പരാതികള് ഉണ്ടെങ്കില് അവയും പരിഹരിക്കുന്നതിലേക്കായി അക്ഷയ ജില്ലാ പ്രോജക്ട് ഓഫീസില് ആധാര് പരാതി പരിഹാരസെല് പ്രവര്ത്തനം ആരംഭിച്ചു. പൊതുജനങ്ങളുടെ പരാതികള് ഫോണ് / തപാല് / ഇ-മെയില് മുഖേന പരാതി സെല്ലില് അറിയിക്കാം. ഫോണ്: 0481 2309249(ഓഫീസ് സമയത്ത്). ഇ-മെയില് : മമറവമമൃസാേ@ഴാമശഹ.രീാ. വിലാസം: അക്ഷയ ജില്ലാ പ്രോജക്ട് ഓഫീസ്, ആധാര് പരാതി ഹരിഹാരസെല്, ഓഴത്തില് ബില്ഡിംഗ്, റയില്വേ ഗുഡ് ഷെഡ് റോഡ്, നാഗമ്പടം കോട്ടയം -686001.
പ്രതികരിക്കാൻ ഇവിടെ എഴുതുക: