യുഎഇ 145 ഇന്ത്യന്‍ തടവുകാര്‍ക്ക്‌ മാപ്പ്‌ നല്‍കി

Monday 29 August 2011 9:19 pm IST

ദുബായ്‌: ദുബായിയിലും ഉത്തര എമിറേറ്റുകളിലും തടവില്‍ കഴിഞ്ഞിരുന്ന 145 ഇന്ത്യക്കാര്‍ക്ക്‌ പൊതുമാപ്പ്‌ ലഭിച്ചു. ഇന്ത്യന്‍ കോണ്‍സുലേറ്റാണ്‌ ഇക്കാര്യം വ്യക്തമാക്കിയത്‌.
റംസാനോടനുബന്ധിച്ച്‌ കുറച്ച്‌ തടവുകാര്‍ക്ക്‌ മാപ്പ്‌ നല്‍കി വിട്ടയക്കുന്ന രീതി യുഎഇയില്‍ നിലവിലുണ്ട്‌. കൊലക്കേസുകളില്‍ പ്രതിയായവരെ മാപ്പ്‌ നല്‍കാന്‍ പരിഗണിച്ചിരുന്നില്ല. മറ്റ്‌ കേസുകളില്‍ ജീവപര്യന്തം തടവിന്‌ ശിക്ഷിക്കപ്പെട്ടിരുന്നവരാണ്‌ മോചിതരായത്‌. ദുബായിയിലെ ജയിലില്‍ കഴിയുന്ന 84 പേരും ഷാര്‍ജ ജയിലില്‍നിന്നുള്ള 23 പേരും റാസല്‍ഖൈമയിലെ പന്ത്രണ്ട്‌ പേരും അജ്മനിലെ ഒമ്പത്‌ പേരും ഫുജ്‌റയിലെ നാല്‌ പേര്‍ക്കുമാണ്‌ മാപ്പ്‌ നേടിയത്‌.
ദുബായ്‌ ജയിലില്‍ 547, ഷാര്‍ജയില്‍ 249, അജ്മനില്‍ 95, റാസല്‍ഖൈമയില്‍ 51, ഫുജ്‌റയില്‍ 29, ഉമല്‍ഖുബെനില്‍ 13 എന്നിങ്ങനെയാണ്‌ ജയിലില്‍ കഴിയുന്ന ഇന്ത്യക്കാരുടെ എണ്ണം.


പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.