ന്യൂദല്ഹി: ഗുജറാത്ത് മുഖ്യമന്ത്രി നരേന്ദ്രമോദി മൂന്നു കൊല്ലം മുമ്പ് ഉപയോഗിച്ച പരസ്യവാചകം കോണ്ഗ്രസ് ഉപാധ്യക്ഷന് രാഹുല് ഗാന്ധി കോപ്പിയടിച്ചു. ചേതന് ശിഭര് എന്ന സമ്മേളനത്തില് മോദി ഉപയോഗിച്ച മേം നഹി ഹം എന്ന് പ്രധാന വാചകമുള്ള പരസ്യമാണ് രാഹുല് കോപ്പിയടിച്ചത്. ഈ പരസ്യം ഇന്ന് പ്രമുഖ ദേശീയ പത്രങ്ങളില് പ്രസിദ്ധീകരിച്ചിട്ടുണ്ട്.
പ്രമുഖ കമ്പനികളെ പിന്തള്ളി 500 കോടി രൂപയ്ക്ക് ഡാറ്റ്സു എന്ന കമ്പനിയാണ് കോണ്ഗ്രസിനു വേണ്ടി ഈ പരസ്യപ്രചാരണത്തിന്റെ അവകാശം നേടിയെടുത്തിരിക്കുന്നത്. കോണ്ഗ്രസിന്റെ ഈ കോപ്പിയടി പ്രമുഖ സോഷ്യല് സൈറ്റുകളായ ഫേസ്ബുക്കിലും ട്വിറ്ററിലും ചൂടേറിയ ചര്ച്ചയ്ക്ക് വഴി തുറന്നിരിക്കുകയാണ്.
കോപ്പിയടി തെളിയിക്കുന്നതിന് ബിജെപി മുമ്പ് ഉപയോഗിച്ച പരസ്യത്തിന്റെ ഫോട്ടോ പ്രസിദ്ധീകരിച്ചു കഴിഞ്ഞു. കോണ്ഗ്രസുകാര് കോപ്പി ക്യാറ്റുകള്( കോപ്പിയടിക്കുന്നവര്) ആണെന്നാണ് ബി.ജെ.പി നേതാവ് യശ്വന്ത് സിന്ഹ ഇതിനോട് പ്രതികരിച്ചത്.
പ്രതികരിക്കാൻ ഇവിടെ എഴുതുക: