ഏറ്റുമാനൂര്: ബിജെപിയുടെ പ്രധാനമന്ത്രി സ്ഥാനാര്ത്ഥിയും ഗുജറാത്ത് മുഖ്യമന്ത്രിയുമായ നരേന്ദ്രമോദി തിരുവനന്തപുരം ശംഖ്മുഖത്ത് 9 ന് പങ്കെടുക്കുന്ന മഹാസംഗമ വിളംബര ജാഥ ഏറ്റുമാനൂര് ഭാരതീയ ജനതാ യുവമോര്ച്ച കമ്മറ്റിയുടെ നേതൃത്വത്തില് ഇന്ന് നടക്കും. 300 ബൈക്കുള് പങ്കെടുക്കുന്ന റാലി ഇന്ന് ഏറ്റുമാനൂര് നിയോജകമണ്ഡലത്തില് നീണ്ടൂര്, അതിരമ്പുഴ, ആര്പ്പൂക്കര, അയ്മനം, തിരുവാര്പ്പ്, കുമരകം എന്നീ പഞ്ചായത്തുകളില് നടക്കും. ഉച്ചകഴിഞ്ഞ് 2.30 ന് ബിജെപി ജില്ലാ പ്രസിഡന്റ് ഏറ്റുമാനൂര് രാധാകൃഷ്ണന് ഫഌഗ് ഓഫ് ചെയ്യും. യോഗത്തില് യുവമോര്ച്ച മണ്ഡലം പ്രസിഡന്റ് ഉണ്ണികൃഷ്ണന് ഓണംതുരുത്ത് അധ്യക്ഷതവഹിക്കും. ബിജെപി മണ്ഡലം പ്രസിഡന്റ് എന്.വി ബൈജു, ബിജെപി, ബിജെവൈഎം നേതാക്കളായ വി.ആര് രാജന് പുന്നത്ത്, അഡ്വ. മണികണ്ഠന് നായര്, പി.എം മനോജ് നീണ്ടൂര്, വി.എന് കേശവന് നായര്, ജോസഫ് പട്ടിത്താനം, ഷിന് ഗോപാല്, വിഷ്ണുപ്രസാദ്.എസ്, ഗിരീഷ് പേരൂര്, രാജേഷ് ഏറ്റുമാനൂര്, ശ്രീനാഥ് കട്ടച്ചിറ എന്നിവര് വിവിധ സ്ഥലങ്ങളില് പ്രസംഗിക്കും.
പ്രതികരിക്കാൻ ഇവിടെ എഴുതുക: