ധര്മചക്രം വീണ്ടും സജീവമാകുന്നു. ധര്മം എന്ന പദം നാം പലവുരു കേട്ടിട്ടുണ്ടെങ്കിലും അതിന്റെ അര്ഥം നാം അറിഞ്ഞതിലും അപ്പുറത്താണ്. മനുഷ്യപരിണാമത്തിന്റെ പൂര്ണത ധര്മമായി പുഷ്പിക്കുന്നു. പ്രപഞ്ചപരിണാമത്തിന്റെ പൂര്ണതയും ധര്മമായി പുഷ്പിക്കുന്നു. ധര്മം ഒരേ സമയം ലക്ഷ്യവും മാര്ഗവും ആകുന്നു. അപ്രകാരം അനന്തശായിയായ ധര്മത്തെ ഭൂമിയില് പ്രതിഷ്ഠിക്കാന് ആ പരമപുരുഷന് മാത്രമേ സാധ്യമാകുകയുള്ളൂ. അവന് മനുഷ്യപുത്രനായിവന്ന് ഭൂമിയില് ധര്മത്തെ പ്രതിഷ്ഠിച്ചിരിക്കുന്നു. ആ ധര്മത്തിന്റെ പ്രസരണം ഭൂമിയില് സംഭവിച്ചിരിക്കുന്നു. ഇതാണ് ധര്മപീഠം. ധര്മപീഠത്തില് ഒരു പ്രത്യേക ദേവതാ സങ്കല്പ്പമില്ല. ആ ധര്മസാന്നിധ്യത്തെ നമുക്ക് എപ്രകാരം വേണമെങ്കിലും സമീപിക്കാം. നാം എപ്രകാരം സമീപിക്കുന്നുവോ അപ്രകാരം ധര്മപീഠത്തില് സഹസ്രകോടി സൂര്യപ്രഭയോടെ പ്രകാശിച്ചുനില്ക്കുന്ന ദിവ്യസാന്നിധ്യം നമുക്ക് രക്ഷയും ആശ്രയവും നല്കുന്നു. ധര്മപീഠത്തില് സക്രിയമായ ധര്മചക്രം പ്രപഞ്ച ചലനങ്ങളെ ധര്മത്തിലൂടെ അനുനയിപ്പിക്കാന് ആരംഭിച്ചിരിക്കുന്നു. ധര്മപീഠം ധര്മത്തിന്റെ ഊര്ജകേന്ദ്രമാണ്. ലോകത്തിന്റെ ആശ്രയ കേന്ദ്രമാണ്. സ്വര്ഗരാജ്യത്തിലേക്കുള്ള കവാടമാണ്.
– തഥാതന്
പ്രതികരിക്കാൻ ഇവിടെ എഴുതുക: