കോട്ടയം: കേരള സംസ്ഥാന യുവജനക്ഷേമ ബോര്ഡിന്റെ നേതൃത്വത്തില് ടൂറിസം ഡിപ്പാര്ട്ട്മെന്റും വാഗമണ് ഡസ്റ്റിനേഷന് മാനേജ്മെന്റ് കമ്മറ്റിയും സംയുക്തമായി സംഘടിപ്പിക്കുന്ന കേരള അഡ്വഞ്ചര് കാര്ണിവല് 2014@ വാഗമണ്ഇന്ന് ആരംഭിക്കും. വൈകുന്നേരം നാലിന് വാഗമണ്ണില് ഗവ. ചീഫ് വിപ്പ് പി.സി ജോര്ജ്ജ് ഉദ്ഘാടനം ചെയ്യും. ഇ.എസ് ബിജിമോള് എംഎല്എ അധ്യക്ഷതവഹിക്കും. ഇടുക്കി ജില്ലാ ഡപ്യൂട്ടി കളക്ടര് മുഹമ്മദ് സഫറുള്ള,യുവജനക്ഷേമബോര്ഡ് മെമ്പര് അഡ്വ. ഷോണ് ജോര്ജ്ജ്, യുവജനക്ഷേമബോര്ഡ് മെമ്പര് സെക്രട്ടറി എന്. രാധാകൃഷ്ണന് നായര്, ടൂറിസം ഡപ്യൂട്ടി ഡയറക്ടര് എം.എസ് വേണുഗോപാല്, ഇടുക്കി ജില്ലാ പഞ്ചായത്ത് പ്രസിഡന്റ് എം.ടി തോമസ്, തൃതല പഞ്ചായത്ത് പ്രസിഡന്റുമാര്, വിവിധരാഷ്ട്രീകക്ഷി നേതാക്കള് എന്നിവര് യോഗത്തില് സംസാരിക്കും. ചടങ്ങില് ചലച്ചിത്ര സംവിധായകന് മേജര് രവി മുഖ്യ അതിഥിയായിരിക്കും. പാലാഗ്ലൈഡിംഗിന്റെ ഔദ്യോഗികമായ ആദ്യ പറക്കല് അദ്ദേഹം നിര്വ്വഹിക്കും. 10 ദിവസം നീണ്ടു നില്ക്കുന്ന കാര്ണിവലില് ഇന്ന് രാവിലെ 9 മണി മുതല് ഓഫ്റോഡ് ജീപ്പ് മത്സരം ആരംഭിക്കും. നാളെ രാവിലെ 7 മുതല് വാഗമണ്ണില് നിന്നും സൈക്ലിംഗ് മത്സരം ആരംഭിച്ച് ഏന്തയാര്, കൂട്ടിക്കല്, ചോലത്തടം, പൂഞ്ഞാര്, പനച്ചിപ്പാറ, പെരുനിലം, ഈരാറ്റുപേട്ട, തീക്കോയി എന്നി സ്ഥലങ്ങള് വഴി 83 കിലോമീറ്റര് പിന്നിട്ട് വാഗമണ്ണില്സമാപിക്കും. ജേതാക്കള്ക്ക് അഡ്വ. ജോയി അബ്രഹാം എം.പി സമ്മാനദാനം നിര്വ്വഹിക്കും. 23 മുതല് 25 വരെ തീയതികളില് റോക്ക് ക്ലൈബിംഗ് നടത്തും. 22 മുതല് 2 വരെ എല്ലാ ദിവസങ്ങളിലും ഇന്ത്യന് വ്യോമസേനയുടെ സാന്നിധ്യം പാരാഗ്ലൈഡിംഗിന് കൊഴുപ്പേകും. അന്തര്ദ്ദേശിയ പാരാഗ്ലൈഡേഴ്സിനൊപ്പം ഇന്ത്യന് വ്യോമസേനയും പാരാഗ്ലൈഡിംഗില് അണിചേരും. 22 മുതല് 25 വരെ പ്രൊഫഷണല് അമച്വര് എന്നീ രണ്ടു വിഭാഗങ്ങളിലായി അഡ്വഞ്ചര് േഫാട്ടോഗ്രാഫി മത്സരവും നടക്കും.
കാര്ണിവലില് സാഹസിക ഇനങ്ങളായ പാരാഗ്ലൈഡിംഗ്, മൗണ്ടന് സൈക്ലിംഗ്, റോക്ക് ക്ലൈംബിംഗ്, അഡ്വഞ്ചര് ഫോട്ടോഗ്രാഫി, പാരാ മോട്ടറിംഗ്, ഓഫ് റോഡ് േഫാര്വീലര് ആന്റ് ടൂ വീലര് റാലി എന്നീ ഇനങ്ങളാകും സംഘടിപ്പിക്കുക.
25 ന് നടക്കുന്ന അഡ്വഞ്ചര് ഫോട്ടോഗ്രാഫിയുടെയും റോക്ക്ക്ലൈംബിംഗിന്റെയും സമ്മാനദാനം ഇടുക്കി ഡിസ്ട്രിക്ട് കളക്ടര് അജിത് പാട്ടീല് നിര്വഹിക്കും. മാര്ച്ച് രണ്ടിന് നടക്കുന്ന സമാപന സമ്മേളനം ടൂറിസം മന്ത്രി എ.പി അനില്കുമാര് ഉദ്ഘാടനം ചെയ്യും. പട്ടികവര്ഗ്ഗ യുവജന ക്ഷേമമന്ത്രി പി.കെ ജയലക്ഷ്മി അധ്യക്ഷതവഹിക്കും. പി.ടി തോമസ് എം.പി മുഖ്യപ്രഭാഷണം നടത്തും.
പ്രതികരിക്കാൻ ഇവിടെ എഴുതുക: