പാലാ: മീനച്ചില് വടക്കേക്കാവ് ഭദ്രകാളീ ക്ഷേത്രത്തില് കുംഭഭരണി -കാര്ത്തിക മഹോത്സവം 4മുതല് 7 വരെ നടക്കും. ഉത്സവദിവസങ്ങളില് രാവിലെ 5ന് നിര്മ്മാല്യദര്ശനം, തുടര്ന്ന് അഷ്ടാഭിഷേകം, ഗണപതിഹോമം, പുരാണപാരായണം എന്നിവ നടക്കും. നാളെ വൈകിട്ട് 4ന് മാതാ അമൃതാനന്ദമയീ മഠം ജനറല് സെക്രട്ടറി പുര്ണ്ണാമൃതാന്ദ പുരി സ്വാമിക്ക് സ്വീകരണം, തുടര്ന്ന് അനുഗ്രഹപ്രഭാഷണം എന്നിവ നടക്കും. വൈകിട്ട് 5 മുതല് മഹാസര്വ്വൈശ്വര്യപൂജച നവഗ്രഹഹോമം, സത്സംഗം, ദീപാരാധന എന്നിവ നടക്കും.
5ന് വൈകിട്ട് 7ന് 5വയസുകാരന് കണ്ണന്മോന്റെ മാജിക് ഷോ, 8ന് ഭക്തിഗാനമേള. 6ന് രാവിലെ 10.30ന് പാലാ സന്തോഷ്കുമാറിന്റെ ഓട്ടന്തുള്ളല്, 11.30ന് അമ്മയൂട്ട് എന്നിവ നടക്കും. അറുപതു വയസു കഴിഞ്ഞ അമ്മമാരെ ഭക്ഷണവും ദക്ഷിണയും നല്കി ആദരിക്കുന്ന ചടങ്ങാണിത്. മഹാപ്രസാദമൂട്ട്, 4.30ന് കാഴ്ചശ്രീബലി, രാത്രി 8ന് അങ്കമാലി അമൃതയുടെ നാടകം എന്നിവ നടക്കും. 7ന് കാര്ത്തിക വിളക്ക് നടക്കും. രാവിലെ 10ന് ഗോപൂജ, ഋഷഭപൂജ, വൃക്ഷപൂജ, വൈകിട്ട് 7ന് സമാപന സമ്മേളനം തിരുവിതാംകൂര് ദേവസ്വം ബോര്ഡ് പ്രസിഡന്റ് അഡ്വ.എം.പി.ഗോവിന്ദന് നായര് ഉദ്ഘാടനം ചെയ്യും. കേസരി സഹപത്രാധിപര് ഡോ.എന്.ആര്.മധുവിനെ ആദരിക്കും. അവയവദാന സമ്മതപത്രം ഡോ.ജോര്ജ് മാത്യു പുതിയിടം സമ്മേളനത്തില് ഏറ്റുവാങ്ങും. 9ന് കൊച്ചിന് കലാദര്ശന അവതരിപ്പിക്കുന്ന മെഗാഷോ എന്നിവ നടക്കും.
പ്രതികരിക്കാൻ ഇവിടെ എഴുതുക: