269. പാപനാശകരഃ കൃഷ്ണഃ – പാപങ്ങളെ നശിപ്പിക്കുന്നവനായ ശ്രീകൃഷ്ണന്. ഗുരുവായൂരപ്പന്റെ ഏതെങ്കിലും നാമമോ ലീലയോ സ്മരിക്കുന്നതുകൊണ്ട് പാപങ്ങള് നശിക്കും. ഭക്തന്റെ പാപങ്ങള് നശിപ്പിക്കുന്നവനെന്ന് നാമത്തിനര്ഥം. 266-ാം നാമത്തിന്റെ നാലാമര്ഥം നോക്കുക.
270. ശ്യാമവര്ണതനുഃ കൃഷ്ണഃ – കൃഷ്ണവര്ണമായ ശരീരമുള്ളതിനാല് കൃഷ്ണന് എന്ന നാമം അന്വര്ഥമായവന്. 266-ാം നാമത്തിന്റെ ഒന്നാം അര്ഥത്തില് ആ ആശയം അവതരിപ്പിച്ചിട്ടുള്ളതു നോക്കുക. ഗുരുവായൂരപ്പന് ശ്രീകൃഷ്ണാവതാരത്തില് ശ്യാമവര്ണമായ ശരീരം സ്വീകരിച്ചതോടെ നിറങ്ങളില് ഏറ്റവും ആകര്ഷകമായത് എന്ന അവസ്ഥ ശ്യാമവര്ണത്തിനുണ്ടായി.
271. ശത്രുസംഹാരകഃ കൃഷ്ണഃ – ശത്രുക്കളെ നശിപ്പിക്കുന്നവനായ കൃഷ്ണന്. ജഗത്തിന്റ പിതാവും നാഥനുമായ വിഷ്ണുവിന്റെ അവതാരമാണ് കൃഷ്ണന്. ഭഗവാന് ശത്രുക്കളില്ല. അപ്പോള് ശത്രുസംഹാരകനാകുന്നതെങ്ങനെ? തന്റെ സന്താനങ്ങളിലൊരുവന് മറ്റുള്ളവരെ ദ്രോഹിക്കുന്ന അധര്മിയായി മാറിയാല് അവനെ ഒഴിവാക്കേണ്ടിവരും. അങ്ങനെ വരുമ്പോഴാണ് സംഹരിച്ചതായി നാം പറയുന്നത്. അവന് മെച്ചപ്പെട്ട മറ്റൊരു ജീവിതമോ കൈവല്യമോ ആയിരിക്കും കിട്ടുന്നത്.
തന്റെ ഭക്തരുടെ ശത്രുക്കളായി അവരുടെ ഉള്ളില്ത്തന്നെ രൂപം കൊള്ളുന്ന കാമക്രോധലോഭമോഹാദികളെ സംഹരിക്കുന്നതിനാലും ഭഗവാന് ശത്രുസംഹാരകനാണ്. 266-ാം നാമത്തിന്റെ 4-ാം അര്ഥം നോക്കുക.
64. ലോകസംഘര്ഷകഃ കൃഷ്ണഃ സുഖസന്ദായകഃ കൃഷ്ണഃ ഗോപബാലവശംവദോ ഗോപസ്ത്രീഭാഗ്യരൂപകഃ
272. ലോകസംഘര്ഷകഃ കൃഷ്ണഃ – ലോകത്തെ തന്റെ നേര്ക്ക് ആകര്ഷിക്കുന്നവനായ കൃഷ്ണന്. 266-ാം നാമത്തിന്റെ രണ്ടാം അര്ഥം നോക്കുക.
ഭക്ത ലോകത്തിന്റെ ദാസനായ ശ്രീകൃഷ്ണന് എന്നും വ്യാഖ്യാനിക്കാം. 266-ാം നാമത്തിന്റെ 7-ാം അര്ഥം നോക്കുക. ‘അഹമൃഷേനന് ഭക്തദാസഃ (അല്ലയോ മഹര്ഷേ, ഞാന് ഭക്തദാസനാണല്ലോ) എന്ന ദുര്വാസാവ് മഹര്ഷിയോട് ഭഗവാന് അരുളിചെയ്യുന്നുണ്ട്. നാരായണീയം 38:8.
(തുടരും)
ഡോ. ബി.സി.ബാലകൃഷ്ണന്
പ്രതികരിക്കാൻ ഇവിടെ എഴുതുക: