പാലാ: സാമൂഹ്യനീതി നേടിയെടുക്കാന് വിവിധ സാമുദായിക സംഘടനകളെ ഒരുമിച്ച് ചേര്ത്ത് പ്രവര്ത്തിക്കാന് ഹിന്ദു ഐക്യവേദിക്ക് കഴിഞ്ഞെന്ന് സംസ്ഥാന വര്ക്കിംഗ് പ്രസിഡന്റ് കെ എന് രവീന്ദ്രനാഥകുറുപ്പ് പറഞ്ഞു. പാലാ കടപ്പാട്ടൂരില് നടന്ന കോട്ടയം ജില്ലാ സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. കേരളാ നവോ ത്ഥാന ചരിത്രത്തില് സമുദായങ്ങളെ സംഘടിപ്പിച്ച് മുന്നേറുവാന് ശ്രമിച്ചിരുന്നെങ്കിലും ഹിന്ദു ഐക്യവേദിയുടെ പ്രവര്ത്തനത്തോടെ ഇതിന് സ്ഥിരത കണ്ടുവെന്ന് അ ദ്ദേഹം പറഞ്ഞു. എണ്പതോളം സമുദായങ്ങള് ഇന്ന് ഹിന്ദു ഐക്യം എന്ന ലക്ഷ്യത്തിനൊപ്പം ചേര്ന്നു കഴിഞ്ഞു. ഇതിന്റെ ഭാഗമായാണ് വിവിധ സമുദായങ്ങള് നേരിടുന്ന അനീതികള് തിരിച്ചറിഞ്ഞ് പരിഹാരം കാണുന്നതിനായി ഹിന്ദു അവകാശ പത്രിക സമര്പ്പിച്ചത്. നമ്മുടെ പൈതൃകവും സംസ്കാരവും ആചാരവും ഒന്നാണ് എന്ന ലക്ഷ്യം കാത്തുസൂക്ഷിച്ച് പ്രവര്ത്തിക്കാന് പറ്റിയ സംഘടനയാണ് ഹിന്ദു ഐക്യവേദിയെന്നും അദ്ദേഹം പറഞ്ഞു. ആറന്മുള വിമാനത്താവള പദ്ധതി ഉപേക്ഷിക്കുക, ഹിന്ദു അവകാശ പത്രിക വകുപ്പ്തലത്തില് ചര്ച്ചചെയ്ത് പരിഹാരം കാണുക എന്നീ ആവശ്യവുമായി സമ്മേളനത്തില് പ്രമേയം അവതരിപ്പിച്ചു. ജില്ലാ വര്ക്കിംഗ് പ്രസിഡന്റ് തമ്പി പട്ടശ്ശേരി അദ്ധ്യക്ഷത വഹിച്ചു. പാലാ ശ്രാരാമകൃഷ്ണാശ്രമം മഠാധിപതി സ്വാമി വാമദേവാനന്ദ മഹാരാജ് ഭദ്രദീപം തെളിയിച്ചു. സംസ്ഥാന ജന. സെക്രട്ടറി ഇ. എസ്. ബിജു, സംസ്ഥാന സഹ സംഘടനാ സെക്രട്ടറി സി. ബാബു, വൈസ് പ്രസിഡന്റ് പി. ആര് ശിവരാജന്, സംസ്ഥാന സെക്രട്ടറിമാരായ എം. വി. ഉണ്ണികൃഷ്ണന്, ആര്. എസ്. അജിത്ത്, മഹിളാ ഐക്യവേദി സംസ്ഥാന ജന. സെക്രട്ടറി ബിന്ദു മോഹനന്, സെക്രട്ടറി അംബികാ തമ്പി, ജില്ലാ സംഘടനാ സെക്രട്ടറി പി. രണരാജന്, ജനറല് സെക്രട്ടറി എ. റ്റി. തുളസീധരന്, വൈസ് പ്രസിഡന്റ് ചന്ദ്രന്, ജില്ലാ സെക്രട്ടറി ആര്. ഹരിലാല് എന്നിവര് പ്രസംഗിച്ചു. സമ്മേളനത്തില് വിവിധ സാമുദായിക സംഘടനാ നേതാക്കളേയും കലാമത്സരത്തില് വിജയികളായ വിദ്യാര്ത്ഥികളേയും, മള്ളിയൂര് ക്ഷേത്രപതിശ്രീ പുരസ്കാരം നേടിയ ചെല്ലപ്പന് ഗോപനിലയം എന്നിവരെ പൊന്നാടയണിയിച്ച് ആദരിച്ചു. ജില്ലാ ഭാരവാഹികളായി പി. സി. സുരേന്ദ്രദാസ് (പ്രസിഡന്റ്), തമ്പി പട്ടശ്ശേരിയില് (വര്ക്കിംഗ് പ്രസിഡന്റ്), കെ. കെ തങ്കപ്പന്, ആശാ അജിത്കുമാര്, വി. റ്റി. രാജ് (വൈസ് പ്രസിഡന്റ്മാര്), കെ. ജി. ശ്രീകാന്ത് (ജന. സെക്രട്ടറി), എ. റ്റി. തുളസീധരന് (സംഘടനാ സെക്രട്ടറി), വി. മുരളീധരന്, പി. കെ. ചന്ദ്രന്, ആര്. ഹരിലാല്, ലെനില് (സെക്രട്ടറിമാര്), റ്റി. എസ്. ശ്രീകുമാര് (ട്രഷറര്), കമ്മറ്റി അംഗങ്ങളായി മനോജ്കുമാര് എ., വി. ശശി, പി. പി. രണരാജന്, പി. സി. വിജയമ്മ എന്നിവരേയും തെരഞ്ഞെടുത്തു.
പ്രതികരിക്കാൻ ഇവിടെ എഴുതുക: