കോട്ടയം: കാര്ഷിക സര്വകലാശാലയും കൃഷി വിജ്ഞാന കേന്ദ്രവും സംഘടിപ്പിക്കുന്ന കാര്ഷിക സാങ്കേതിക വാരാചരണത്തിനു നാളെ തുടക്കമാകും. കുമരകം ആര്എആര്എസ് കാമ്പസില് നടക്കുന്ന വാരാചണത്തില് സെമിനാറുകള്, കാര്ഷിക പ്രദര്ശനം, മല്സരങ്ങല് എന്നിവ നടക്കും.
നാളെ രാവിലെ 10ന് നടക്കുന്ന സമ്മേളനം കാര്ഷിക സര്വകലാശാല വൈസ്ചാന്സിലര് ഡോ. പി രാജേന്ദ്രന് ഉദ്ഘാടനം ചെയ്യും. കാര്ഷിക സര്വകലാശാല വിജ്ഞാപന വ്യാപനം ഡയറക്ടര് ഡോ. പി. വി ബാലചന്ദ്രന് അധ്യക്ഷത വഹിക്കുമെന്ന് ഭാരവാഹികള് വാര്ത്താ സമ്മേളനത്തില് അറിയിച്ചു.
11ന് കാലാവസ്ഥ വ്യതിയാനവും കൃഷിയും എന്ന വിഷയത്തില് സെമിനാര്. ഉച്ചയ്ക്ക് രണ്ടിന് കുട്ടനാട്ടിലെ നെല്കൃഷി-പ്രശ്നങ്ങളും സാധ്യതകളും എന്ന വിഷയത്തില് സെമിനാര്. 13ന് രാവിലെ 10ന് സുസ്ഥിര കൃഷിക്ക് ജൈവരീതികള് എന്ന വിഷയത്തിലും രണ്ടിനു മണ്ണു പരിശോധന കൃഷിയുടെ വിജയത്തിന് എന്ന വിഷയത്തിലും ക്ലാസുകള്. 14ന് 10നു സംയോജിത കൃഷി രീതികള് രണ്ടിനു വാഴ പച്ചക്കറി കൃഷി എന്നിവയെ കുറിച്ച് സെമിനാര്. 15ന് 10ന് ക്ഷീര കര്ഷക സംഗമം. രണ്ടിനു നടക്കുന്ന സമാപന സമ്മേളനം വനിതാ കമ്മീഷന് അംഗം ഡോ. പ്രമീളാ ദേവി ഉദ്ഘാടനം ചെയ്യും. കാര്ഷിക സര്വകലാശാല റിസേര്ച്ച് ഡയറക്ടര് ഡോ. ടി. ആര് ഗോപാലകൃഷ്ണന് അധ്യക്ഷത വഹിക്കും. വാര്ത്താ സമ്മേനത്തില് പ്രോഗ്രാം കോ-ഓര്ഡിനേറ്റര് ഡോ. കെ. ജെ ജോസഫ്, ആത്മ പ്രൊജക്റ്റ് ഡയറക്ടര് കെ. ജെ ഗീത, വി. എസ് ദേവി എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: