അരുണാചല്‍ പ്രദേശില്‍ വോട്ടര്‍ പട്ടികയില്‍ പേര്‌ ചേര്‍ക്കുന്നതില്‍ അധികൃതര്‍ പരാജയപ്പെട്ടു- ബിജെപി

Sunday 21 September 2014 10:12 am IST

ഇറ്റാനഗര്‍: അരുണാചല്‍പ്രദേശില്‍ വോട്ടര്‍പട്ടികയില്‍ പുതിയതായി പേര്‌ ചേര്‍ക്കുന്നതില്‍ ജില്ലാ തെരഞ്ഞെടുപ്പ്‌ ഉദ്യോഗസ്ഥര്‍ പരാജയപ്പെട്ടന്ന്‌ ബിജെപി ആരോപിച്ചു. വോട്ടേഴ്സ്ര് ലിസ്റ്റില്‍ പേര്‍ ചേര്‍ക്കുന്ന തീയതി കഴിഞ്ഞിട്ടും പ്രത്യേക ക്യാമ്പയിന്‍ സംഘടിപ്പിച്ച്‌ ഒരു അവസരവും കൂടി നല്‍കിയിരുന്നു. എന്നാല്‍ തെരഞ്ഞെടുപ്പ്‌ ഉദ്യോഗസ്ഥരുടെ അനാസ്ഥകാരണം സംസ്ഥാനത്ത്‌ ഇത്‌ ഫലം കണ്ടില്ലെന്ന ആരോപണവുമായി ബിജെപി രംഗത്ത്‌ വന്നു.
പൊതുതെരഞ്ഞെടുപ്പ്‌ കമ്മീഷന്‍ നിര്‍ദ്ദേശിച്ച പ്രത്യേക കാമ്പയിനിന്റെ വിവരം ഡിഇആര്‍ഒ ബൂത്ത്‌ തലത്തിലുള്ള തെരഞ്ഞെടുപ്പ്‌ ഉദ്യാഗസ്ഥരെ അറിയിച്ചില്ല. അതുകൊണ്ട്‌ വോട്ടേഴ്സ്‌ ലിസ്റ്റില്‍ പേര്‌ ചേര്‍ക്കാന്‍ സാധാരണ ജനങ്ങള്‍ക്ക്‌ അവസരം നഷ്ടമായെന്ന്‌ സംസ്ഥാന ബിജെപി വക്താവ്‌ ടീക്ച്ചി നിച്ച പറഞ്ഞു.
ബിജെപിയുടെ നേതാക്കള്‍ ഇറ്റാനഗര്‍ നിയോജക മണ്ഡലത്തിലെ ഒന്‍പത്‌ പോളിങ്‌ സ്റ്റേഷനുകള്‍ സന്ദര്‍ശിച്ചപ്പോള്‍ ഒരിടത്ത്‌ പോലും ബൂത്ത്‌ തലത്തിലെ ഉദ്യോഗസ്ഥരെ കാണാന്‍ സാധിച്ചില്ല. ഇതേ അവസ്ഥ തന്നെയാണ്‌ മിക്ക ജില്ലയിലേതുമെന്ന്‌ ടീക്ച്ചി വ്യക്തമാക്കി. ഇതിനെതിരെ ബിജെപി തെരഞ്ഞെടുപ്പ്‌ കമ്മീഷന്‌ പരാതി നല്‍കാന്‍ ഒരുങ്ങുകയാണ്‌.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.