ഈശ്വരന് എന്നുപറഞ്ഞാല് നിങ്ങളിലും ഈശ്വരീയത ഇല്ലേ. അന്തര്യാമിയായി അവന് നിങ്ങളിലും കുടികൊള്ളുന്നുണ്ടല്ലോ. തഥാതന് ഈശ്വരനാണെങ്കില് നിങ്ങളും അങ്ങനെതന്നെ. അല്ലാതെ തഥാതന് മാത്രമായി ഈശ്വരനാകുന്നില്ല. ഈപറഞ്ഞതിനെകുറിച്ച് നിങ്ങള്ക്കും സംശയം വരാം. സംശയം മനുഷ്യമനസ്സിന്റെ കൂടപിറപ്പാണ്. മനുഷ്യദേഹം സ്വീകരിച്ച് നിങ്ങളുടെ മുന്നിലെത്തി കാരുണ്യം ചൊരിയുന്ന ആ മഹിമ ആരാണ്? പഞ്ചഭൂത നിര്മ്മിതമായ തഥാതന്റെ ശരീരത്തെ നിങ്ങള് കാണുന്നു. പക്ഷേ, ഇത് എന്റേതല്ല. ഇത് പ്രകൃതിയുടേത്. എന്റെ ശരീരം കണ്ടാല് പിന്നെ നിങ്ങള് ലോകത്ത് ജീവിക്കില്ല. ജീവിക്കാന് നിങ്ങള്ക്ക് സാധിക്കില്ല. ഈ ലോകത്ത് നിങ്ങളോട് ഇടപഴകാന് വേണ്ടി ഒരു മനുഷ്യശരീരത്തെ പ്രകൃതി രൂപപ്പെടുത്തി അതില് നിങ്ങള്ക്കും പങ്കുണ്ട്. നിങ്ങളുടെ സങ്കല്പ്പങ്ങള് പ്രകൃതിയില് പ്രതിഫലിപ്പിച്ചതാണ് ഈ ശരീരത്തിന്റെ ആവിര്ഭാവത്തിന് കാരണം.
– തഥാതന്
പ്രതികരിക്കാൻ ഇവിടെ എഴുതുക: