ന്യൂദല്ഹി: അസംസ്കൃത എണ്ണയുടെ ഇന്ത്യയ്ക്കു ബാധകമായ അന്താരാഷ്ട്ര വില ബാരലിന് 104.47 ഡോളറായി കുറഞ്ഞു. 2014 മാര്ച്ച് 18-ലെ നിരക്കാണിത്. തൊട്ടു മുന് വിപണന ദിവസമായ 2014 മാര്ച്ച് 17-ന് ഇത് 105.36 ഡോളര് ആയിരുന്നു. പെട്രോളിയം പ്രകൃതി വാതക മന്ത്രാലയത്തിനു കീഴിലുള്ള പെട്രോളിയം പ്ലാനിങ് ആന്റ് അനാലിസിസ് സെല് ആണ് ഇന്ന് ഈ കണക്ക് പുറത്തു വിട്ടത്. എന്നാല് ഇതനുസരിച്ച് ഇന്ധന വില കുറയ്ക്കുന്ന കാര്യത്തില് തീരുമാനമൊന്നുമായിട്ടില്ല.
രൂപ നിരക്കില് അസംസ്കൃത എണ്ണവില ബാരലിന് 6367.45 രൂപയായി കുറഞ്ഞു. 2014 മാര്ച്ച് 17-ന് എണ്ണവില ബാരലിന് 6481.75 രൂപ ആയിരുന്നു. രൂപ-ഡോളര് വിനിയമ നിരക്കില് രൂപയുടെ മൂല്യം 2014 മാര്ച്ച് 17-ന് 61.52 രൂപയായിരുന്നത്, 2014 മാര്ച്ച് 18-ന് 60.95 രൂപയായി.
പ്രതികരിക്കാൻ ഇവിടെ എഴുതുക: