കോട്ടയം: നരേന്ദ്രമോദിയുടെ വികസനസ്വപ്നങ്ങള് കോട്ടയം ലോക്സഭാ മണ്ഡലത്തിലും പ്രാവര്ത്തികമാക്കാന് നിയോഗിക്കപ്പെട്ട എന്ഡിഎ സ്ഥാനാര്ത്ഥി അഡ്വ. നോബിള് മാത്യു ചങ്ങനാശേരി അതിരൂപതയിലെത്തി അനുഗ്രഹങ്ങളേറ്റുവാങ്ങി. പുലര്ച്ചെ ആറരയോടെ താമരശേരി ആര്ച്ച് ബിഷപ്പ് മാര് പെരുന്തോട്ടം നയിച്ച വിശുദ്ധ കുര്ബ്ബാന സ്വീകരിച്ചാണ് ഇന്നലത്തെ തെരഞ്ഞെടുപ്പ് പ്രവര്ത്തനങ്ങള്ക്ക് നോബിള് മാത്യു തുടക്കം കുറിച്ചത്. പിന്നീട് ചങ്ങനാശേരി ആര്ച്ച് ബിഷപ്പ് മാര് പെരുന്തോട്ടത്തെയും മാര് ജോസഫ് പൗവ്വത്തിലിനെയും അദ്ദേഹം സന്ദര്ശിച്ചു. പിതാക്കന്മാരോടും അമ്പതിലധികം വരുന്ന വൈദികരോടുമൊപ്പം പ്രഭാതഭക്ഷണം കഴിച്ച നോബിള് മാത്യു വികാരി ജനറല് മാര് ഉള്പ്പെട്ട വൈദിക ഗണത്തോട് സംവദിച്ചു. പിന്നീട് ചിങ്ങവനത്തെത്തി മുന് സഹപ്രവര്ത്തകനായ ഏലിയക്കുട്ടി പാറയിലിനെ സന്ദര്ശിച്ചു. ക്നാനായ യാക്കോബായ അരമനയിലെത്തി വൈദികരുമായി സംസാരിച്ചു. തുടര്ന്ന് ആല്ഫാ റബ്ബേഴ്സിലെത്തി എഴുതപതിലധികം തൊഴിലാളികളെ കണ്ട് വോട്ടഭ്യര്ത്ഥിച്ചു. പിന്നീട് ഏറ്റുമാനൂര്, അതിരമ്പുഴ , കടുത്തുരുത്തി തുടങ്ങിയ വിവിധ പഞ്ചായത്തുകളിലെത്തി പ്രമുഖരെ കണ്ട് പിന്തുണ തേടി.
എന്ഡിഎ സ്ഥാനാര്ത്ഥി അഡ്വ. നോബിള് മാത്യുവിന് തെരഞ്ഞെടുപ്പ്പ്രചരണാര്ത്ഥം ഇന്ന് മണ്ഡലപര്യടനം നടത്തും. രാവിലെ 8 മണിയോടെ നിരവധി വാഹനങ്ങളുടെ അകമ്പടിയോടെ കൂരോപ്പടയില് നിന്നും പ്രചരണം ആരംഭിക്കും.
പ്രതികരിക്കാൻ ഇവിടെ എഴുതുക: