ബെല്ലാരിയില്‍ ട്രക്കില്‍ നിന്നും അഞ്ച് കോടി രൂപ പിടിച്ചു

Friday 16 September 2011 12:16 pm IST

ഹൈദരാബാദ്: ബെല്ലാരിയില്‍ ട്രക്കില്‍ നിന്ന് അഞ്ചു കോടി രൂപ പിടിച്ചെടുത്തു. അനന്ത്പുര്‍ പോലീസും മണ്ഡല്‍ റവന്യൂ ഓഫിസറും സംയുക്തമായി നടത്തിയ പരിശോധനയിലാണ് പണം കണ്ടെടുത്തത്. മൂന്നു ബാഗുകളിലായി സൂക്ഷിച്ച 4.95 കോടി രൂപയാണ് ലോറിയില്‍ നിന്ന് കണ്ടെടുത്തത്. 500, 1000 രൂപയുടെ നോട്ടുകെട്ടുകളാണ് ഉണ്ടായിരുന്നതെന്ന് പോലീസ് അറിയിച്ചു. ബെല്ലാരിയില്‍ നിന്നു ഗുണ്ടക്കല്‍ വഴി അന്തപുരയിലേക്കു കൊണ്ടു പോകുകയായിരുന്നു പണം. ഡ്രൈവറെയും ക്ലീനറെയും ചോദ്യം ചെയ്തുവരികയാണ്. അജ്ഞാത ഫോണ്‍ സന്ദേശത്തെ തുടര്‍ന്ന് പോലീസ് ഗുണ്ടകലില്‍ ലോറി തടഞ്ഞ് പരിശോധന നടത്തുകയായിരുന്നു. ബെല്ലാരിയില്‍ നിന്ന് ഇത്തരത്തില്‍ പണവുമായി കൂടുതല്‍ ലോറികള്‍ പുറപ്പെട്ടിട്ടുണ്ടെന്നാണ് പോലീസിന് ലഭിച്ച വിവരം.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.