മുംബൈ: ഐപിഎല് ഞങ്ങള്ക്ക് ആശ്വാസവും ആനന്ദം നല്കുന്നതുമാണെന്ന് റോയല് ചലഞ്ചേഴ്സ് ബാംഗ്ലൂരിന്റെ നായകന് വിരാട് കോഹ്ലി. അന്താരാഷ്ട്ര മത്സരങ്ങള്ക്കിടയില് ഐപിഎല് കളിക്കാര്ക്ക് ബാധ്യതയാണെന്ന് പറയുന്ന വിമര്ശകര്ക്ക് മറുപടി നല്കുന്നതാണ് കോഹ്ലിയുടെ ഈ പ്രതികരണം.
അന്താരാഷ്ട്ര മത്സരങ്ങളുടെ സമയക്രമങ്ങളില് നിന്നും ഐപിഎലില് എത്തുമ്പോള് കളിക്കാരുടെ പിരിമുറുക്കം കുറയുകയാണ് ചെയ്യുന്നതെന്നും അത് പരമാവധി മത്സരത്തില് പ്രയോജനപ്പെടുത്തുകയാണ് ചെയ്യുന്നത്. ഇന്നലെ റോയല് ചലഞ്ചേഴ്സ് ബാംഗ്ലൂരിന്റെ പുതിയ ജേഴ്സിയുടെ പ്രകാശന ചടങ്ങിലാണ് കോഹ്ലി ഇക്കാര്യം വ്യക്തമാക്കിയത്. ഐപിഎല് കിരീടം ആര്സിബിക്ക് നേടിക്കൊടുക്കണമെന്നതാണ് ലക്ഷ്യമെന്നും കോഹ്ലി പറഞ്ഞു. കുറച്ചു കൂടി നല്ല കളിക്കാരെ ടീമില് ഉള്പ്പെടുത്താനായിട്ടുണ്ടെന്നും ഇത്തവണത്തെ മത്സരങ്ങള് കൂടുതല് നിറം പകരുന്നതായിരിക്കുമെന്നും പറഞ്ഞു. തങ്ങളുടേത് മികച്ച ടീം ആണെന്നും എല്ലാവര്ഷവും ട്രോഫി നേടുന്നതിനായി പരമാവധി ശ്രമിക്കാറുണ്ട്. മികച്ച ടീമാണ് ഇപ്പോഴുള്ളത്. അത് ട്രോഫി നേടുന്നതിനായി പരമാവധി പ്രയോജനപ്പെടുത്തുമെന്നും പറഞ്ഞു. ദല്ഹി ഡെയര്ഡെവിള്സിനെതിരെ ഏപ്രില് 17ന് ഷാര്ജയിലാണ് റോയല് ചലഞ്ചേഴ്സിന്റെ ആദ്യ മത്സരം.
പ്രതികരിക്കാൻ ഇവിടെ എഴുതുക: