എരുമേലി: നൂറ്റമ്പത് വര്ഷം പഴക്കമുളള പാറയ്ക്കല് തോട്ടുവായില് കുടുംബസംഗമം സ്നേഹസംഗമം ഇന്ന് നടക്കും. 160 കുടുംബങ്ങളില് നിന്നായി രണ്ടായിരത്തിലധികം പേര് സ്നേഹ സംഗമത്തില് പങ്കെടുക്കും. കുടുംബ സംഗമത്തിനോടനുബന്ധിച്ച് ഉന്നത വിദ്യാഭ്യാസ സ്കോളര്ഷിപ്പ്, വിദ്യാഭ്യാസ നിധി, വിവാഹ സഹായ നിധി, മരണാനന്തര സഹായ നിധി , ചികിത്സാ സഹായ നിധി, അവയവദാന – രക്തദാന പരിപാടികള് എന്നിവയുടെ ഉദ്ഘാടനവും നടക്കുമെന്ന് ഭാരവാഹികളായ പി.ജി. രമില്കുമാര്, പി.എന്. ശിവാന്ദന്, ടി.എസ്. ജയകുമാര്, ബിനോയി പി.പി എന്നിവര് പത്രസമ്മേളനത്തില് പറഞ്ഞു.
വെണ്കുറിഞ്ഞി എസ്എന്ഡിപി സ്കൂള് ആഡിറ്റോറിയത്തിലാണ് പരിപാടി. നാളെ രാവിലെ 9ന് ഗുരുസ്മരണ, പിതൃസ്മരണ എന്നിവ നടക്കും. 10ന് കുടുംബസംഗമം ചീഫ് വിപ്പ് പി.സി. ജോര്ജ്ജ് ഉദ്ഘാടനം ചെയ്യും. രാജു ഏബ്രഹാം എംഎല്എ മുഖ്യപ്രഭാഷണം നടത്തും. എം.കെ. ഗോപിനാഥന് ഭദ്രദീപം തെളിയിക്കും. പോന്നാട അണിയ്യ്ക്കല് പി.എന്. ശിവാന്ദന് നിര്വ്വഹിക്കും. തുടര്ന്ന് സൈക്കോളജിസ്റ്റ് അനൂപ് വൈക്കം നടത്തുന്ന പ്രഭാഷണം നടക്കും.
എസ്എന്ഡിപി എരുമേലി യൂണിയന് പ്രസിഡന്റ് എം.വി. അജിത് കുമാര്, സെക്രട്ടറി ശ്രീകുമാര് ശ്രീപാദം, മുക്കൂട്ടുതറ ശാഖാ പ്രസിഡന്റ് വി.കെ. ശിവരാമന്, എസ്എന്ഡിപി വെണ്കുറിഞ്ഞി ശാഖാ പ്രസിഡന്റ് കെ.എന്. പ്രശാന്തന്, സെക്രട്ടറി റ്റി.ഡി. സോമന്, എസ്എന്ഡിപി എരുമേലി ശാഖാ പ്രസിഡന്റ് ബിജി കല്യാണി, സെക്രട്ടറി കെ. സുഷീല്കുമാര്, എസ്എന്ഡിപി സ്കൂള് പ്രിന്സിപ്പല് എസ്.കെ. അനില്, സീനിയര് അദ്ധ്യാപകന് കെ.വൈ. സത്യജിത്ത്, ടി.എസ്. ശിവകുമാര്, വി.എന്. ത്യാഗരാജന്, ബി. രാജശ്രീ, ബിന്ദു വാമദേവന് തുടങ്ങിയവര് പങ്കെടുക്കും. 1.30 മുതല് ഗാനമേള, കുട്ടികളുടെ കലാപരിപാടികള്, ഫോട്ടോ സെഷന് എന്നിവ നടക്കും.
പ്രതികരിക്കാൻ ഇവിടെ എഴുതുക: