വഴിതെറ്റിയ നാസ ഉപഗ്രഹം നാളെ ഭൂമിയില്‍ പതിക്കുമെന്ന്‌

Wednesday 21 September 2011 8:30 pm IST

വാഷിംഗ്ടണ്‍: ആറര ടണ്‍ ഭാരവും ഒരു ബസ്സിന്റെയത്ര വലിപ്പവുമുള്ള നാസയുടെ ഭീമന്‍ ഉപഗ്രഹം വെള്ളിയാഴ്ച ഭൂമിയില്‍ പതിക്കുമെന്ന്‌ റിപ്പോര്‍ട്ടുകള്‍. നിയന്ത്രണം വിട്ട്‌ ഭൗമോപരിതലത്തിലേക്ക്‌ പോരുന്ന അപ്പര്‍ അറ്റ്മോസ്ഫിയര്‍ റിസര്‍ച്ച്‌ ഉപഗ്രഹത്തിന്റെ (യുഎആര്‍എസ്‌) അവശിഷ്ടങ്ങള്‍ 23 ന്‌ ഭൂമിയില്‍ പതിക്കുമെന്നാണ്‌ നാസ വൃത്തങ്ങള്‍ പറയുന്നത്‌. ഇത്‌ ഒരു ദിവസം അങ്ങോട്ടോ ഇങ്ങോട്ടോ മാറാനും സാധ്യതയുണ്ട്‌.
1991 ല്‍ ഭ്രമണപഥത്തിലെത്തിച്ച ഉപഗ്രഹത്തിന്റെ കാലാവധി 2005 വരെയായിരുന്നു. ഇന്ധനം തീര്‍ന്നതുമൂലമാണ്‌ ഉപഗ്രഹത്തിന്റെ നാസയുമായുള്ള ബന്ധം വിഛേദിക്കപ്പെട്ടത്‌. ഭൗമോപരിതലത്തിലെത്തുന്ന ഉപഗ്രഹത്തിന്റെ അവശിഷ്ടങ്ങള്‍ ഘര്‍ഷണം മൂലം കത്തും, തുടര്‍ന്ന്‌ പൂര്‍ണമായും എരിഞ്ഞുതീരാത്ത ഭീമന്‍ കഷ്ണങ്ങളാകും ഭൂമിയില്‍ പതിക്കുക. ഇത്‌ മാരകമായ അപകടത്തിന്‌ കാരണമായേക്കുമെന്ന ആശങ്ക ശക്തമായിട്ടുണ്ട്‌. ഉപഗ്രഹാവശിഷ്ടങ്ങള്‍ എവിടെ പതിക്കുമെന്ന്‌ കൃത്യമായി പറയാന്‍ കഴിയില്ലെങ്കിലും ഇത്‌ അയര്‍ലന്റിലോ കാനഡയിലോ പതിക്കുമെന്നാണ്‌ ഗവേഷകരുടെ കണക്കുകൂട്ടല്‍.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.