.
കോട്ടയം: സ്വതന്ത്രവും നിക്ഷ്പക്ഷവുമായ വാര്ത്തകള് റിപ്പോര്ട്ടു ചെയ്യുന്ന മാധ്യമ പ്രവര്ത്തകരെ അധിക്ഷേപിക്കുകയും ഭീഷണിപ്പെടുത്തുകയും ചെയ്യുന്ന ചീഫ് വിപ്പ് പി.സി. ജോര്ജിന്റെ നടപടിയില് കോട്ടയം പ്രസ്കഌബില് ചേര്ന്ന മാധ്യമ പ്രവര്ത്തകരുടെ യോഗം പ്രതിഷേധിച്ചു. തനിക്കു ഹിതകരമല്ലാത്ത വാര്ത്തകള് നല്കുന്ന മാധ്യമ ലേഖകരെ ചീത്തവിളിക്കുകയും ഭീഷണിപ്പെടുത്തുകയും ചെയ്യുന്ന ജോര്ജിന്റെ നടപടി പൊതുപ്രവര്ത്തകരുടെ സംസ്കാരത്തിനു യോജിച്ചതല്ല. പി.സി. ജോര്ജിനെ നിയന്ത്രിക്കണമെന്ന് ആവശ്യപ്പെട്ടു മുഖ്യമന്ത്രി ഉമ്മന്ചാണ്ടിക്കും പാര്ട്ടി ചെയര്മാന് കെ.എം. മാണിക്കും, യുഡിഎഫ് കണ്വീനര് പി.പി. തങ്കച്ചനും പരാതി നല്കാനും യോഗം തീരുമാനിച്ചു.
ജോര്ജിന്റെ ഇത്തരത്തിലുളള അസഹിഷ്ണുതാപരമായ നിലപാട് മര്യാദയുടെ സകല സീമകളും ലംഘിക്കുകയാണ്. മാധ്യമ പ്രവര്ത്തരുടെ ആത്മാഭിമാനത്തെ മുറിവേല്പ്പിക്കുന്ന ഇത്തരം നടപടി അനുവദിക്കില്ല. പ്രസ്ക്ളബ് പ്രസിഡന്റ് എസ്. മനോജ്, സെക്രട്ടറി ഷാലു മാത്യു, വി. ജയകുമാര്, ചെറുകര സണ്ണീ ലൂക്കോസ്, സോമി സേവ്യര്, ജോര്ജ് ടി. പൊടിപാറ, ശ്രീജിത്ത്, എസ്. സനില് കുമാര്, ബിനു രാജ്, സന്ദീപ്. ആര്., സുനില് ആറുമാനൂര്, ശ്രീകുമാര് ആലപ്ര, ആല്വിന് ജോര്ജ്, സ്റ്റാലിന് ജോര്ജ് എന്നിവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: