അഗര്ത്തല: എന്ഡിഎ സര്ക്കാര് കേന്ദ്രവും സംസ്ഥാനങ്ങളുമായുള്ള ബന്ധം മെച്ചപ്പെടുത്തുമെന്ന പ്രതീക്ഷയുണ്ടെന്ന് ത്രിപുര മുഖ്യമന്ത്രിയും മുതിര്ന്ന ഇടതുപക്ഷ നേതാവുമായ മണിക് സര്കാര്.
സംയുക്ത ഭരണസമ്പ്രദായം ശക്തിപ്പെടുത്തുമെന്ന പ്രതീക്ഷയിലാണ് മുഖ്യമന്ത്രി. നരേന്ദ്രമോദി പ്രധാനമന്ത്രിയാകുന്നതിന് മുമ്പ് ഗുജറാത്ത് മുഖ്യമന്ത്രിയായിരുന്നു അതുകൊണ്ട് കേന്ദ്രവും സംസ്ഥാനവും തമ്മിലുള്ള ബന്ധത്തിന്റെ പ്രധാന്യത്തെക്കുറിച്ച് അറിയാം. പുതിയ സര്ക്കാരിന്റെ പ്രവര്ത്തനം കാത്തിരുന്ന് കാണാമെന്നും മണിക് പറഞ്ഞു. കോണ്ഗ്രസ് നയിച്ച കഴിഞ്ഞ സര്ക്കാര് സംസ്ഥാനങ്ങളുടെ പ്രഥമിക ആവശ്യങ്ങള് പോലും പരിഗണിച്ചില്ലെന്ന് കുറ്റപ്പെടുത്തി. കമ്മ്യൂണിസ്റ്റ് പാര്ട്ടിയുടെ (സിപിഐഎം) പോളിറ്റ് ബ്യൂറോ അംഗമായ മാണിക് സര്കാര് പ്രധാനമന്ത്രി മോദിയുടെ സത്യപ്രതിജ്ഞാ ചടങ്ങില് പങ്കെടുത്തിരുന്നില്ല.
പ്രതികരിക്കാൻ ഇവിടെ എഴുതുക: