ന്യൂദല്ഹി: സ്ത്രീപീഡനക്കേസുകളിലെ പ്രായപൂര്ത്തിയാകാത്ത പ്രതികള്ക്ക് ശിക്ഷയുറപ്പാക്കാന് ജുവെൈനല് ജസ്റ്റീസ് ആക്ട് ഭേദഗതി ചെയ്തേക്കും.കേന്ദ്രവനിതാ ശിശുക്ഷേമമന്ത്രി മേനക ഗാന്ധിയാണ് ഇക്കാര്യം സൂചിപ്പിച്ചത്. പീഡനക്കേസുകളില് പ്രായപൂര്ത്തിയാകാത്തവര്ക്ക് പ്രത്യേക ഇളവ് നല്കരുതെന്നും അവര് പറഞ്ഞു. ഇത്തരം കേസുകളില് മറ്റ് പ്രതികള്ക്ക് ലഭിക്കുന്ന ശിക്ഷ തന്നെ പ്രായപൂര്ത്തിയാകാത്തവര്ക്കും നല്കണമെന്നും മന്ത്രി അഭിപ്രായപ്പെട്ടു.
നിയമങ്ങള് തങ്ങള്ക്കനുകൂലമാണെന്ന ധാരണയാണ് ഇത്തരം കുറ്റകൃത്യങ്ങള് വര്ധിക്കാന് കാരണം. പ്രായപൂര്ത്തിയാകാത്ത പ്രതികള്ക്ക് പ്രത്യേക ഇളവ് നല്കുന്നതും ഇത്തരം അതിക്രമങ്ങള് ഉയരാന് കാരണമാകുന്നുണ്ട്. പോലീസ് നല്കുന്ന കണക്കുപ്രകാരം ഇത്തരം കുറ്റകൃത്യങ്ങളില് പ്രതിയാകുന്നവരില് 50 ശതമാനവും പ്രായപൂര്ത്തിയാകാത്തവരാണ്- മന്ത്രി വ്യക്തമാക്കി.
ശിക്ഷയില് പ്രത്യേക ഇളവ് നല്കാതിരുന്നാല് കുറ്റകൃത്യങ്ങളുടെ നിരക്ക് കുറയും. പ്രായപൂര്ത്തിയാകാത്തവര്ക്ക് പ്രത്യേക ഇളവ് നല്കുന്ന ജുവനൈല് ജസ്റ്റിസ് ആക്ട് ഭേദഗതി ചെയ്യുന്ന കാര്യം പരിഗണനയിലുണ്ടെന്നും അവര് പറഞ്ഞു.
പ്രതികരിക്കാൻ ഇവിടെ എഴുതുക: