കൊച്ചി: ചൈനീസ് സംഘം കൊച്ചി മേയര് ടോണി ചമ്മണിയുമായി കൂടിക്കാഴ്ച നടത്തി. ചൈനീസ് എംബസിയിലെ അഡ്മിനിസ്ട്രേറ്റീവ് ഓഫീസര് ഹോ ജ്യൂ ജിയാംഗിന്റെ നേതൃത്വത്തിലുള്ള സംഘമാണ് കൊച്ചിയില് എത്തിയത്. സെപ്തംബറില് ചൈനീസ് പ്രസിഡന്റ് കൊച്ചി സന്ദര്ശിക്കുന്നതിന്റെ മുന്നോടിയായിട്ടാണ് ചൈനീസ് സംഘത്തിന്റെ കൊച്ചി സന്ദര്ശനം.
കൊച്ചിയുടെ പൈതൃക സമ്പത്തായ ചീനവലകള് സംരക്ഷിക്കുന്നതിന് വിവിധ ചൈനീസ് സംഘം സന്നദ്ധത പ്രകടിപ്പിച്ചു. ചീനവലകള് സംരക്ഷിക്കുന്നതിനും നവീകരിക്കുന്നതിനും സാങ്കേതിക സാമ്പത്തിക സഹായങ്ങള് സംഘം വാഗ്ദാനം ചെയ്തു. ചൈനീസ് പ്രസിഡന്റ് കൊച്ചി സന്ദര്ശനവേളയില് ചീനവലകള് മത്സ്യവിപണന കേന്ദ്രങ്ങള് എന്നിവ സന്ദര്ശിക്കാനും ധാരണയായി. ചീനവലകളുടെ ചരിത്രം, മലയാളം, ഇംഗ്ലീഷ്, ചൈനീസ് എന്നീ മൂന്ന് ഭാഷകളില് വിവരിക്കുന്ന ഫലകങ്ങള് ഫോര്ട്ട് കൊച്ചിയില് സ്ഥാപിക്കും. ഇതിനാവശ്യമായ സ്ഥലം നഗരസഭ ലഭ്യമാക്കും. 2500 വര്ഷത്തോളം പഴക്കമുള്ള ഇന്ത്യ-ചൈന വാണിജ്യവ്യാപാര ബന്ധത്തിന്റെ അവശേഷിപ്പായ ചീനവലകള് സംരക്ഷിക്കേണ്ടതിന്റെ ആവശ്യകത മേയര് ചൂണ്ടിക്കാട്ടി. ജില്ലാഭരണകൂടം, സംസ്ഥാന ടൂറിസം വകുപ്പ് എന്നിവരുടെ നവീകരണത്തോടെയായിരിക്കും പദ്ധതി നടപ്പിലാക്കുക.
യോഗത്തില് ഡെപ്യൂട്ടി മേയര് ബി.ഭദ്ര, ആര്ഡിഒ ഷാനവാസ്, കൗണ്സിലര്മാരായ സൗമിനി ജെയിന്, എസ്സി ജോസഫ്, ആന്റണി കൂരിത്തറ, നഗരസഭ സെക്രട്ടറി അനുജ എ.എസ്., ചൈനീസ് ഫിഷിംഗ് നെറ്റ് ഓണേഴ്സ് അസോസിയേഷന് ഭാരവാഹികളായ സൈമണ് സേഴ്സണ്, കെന്നഡി എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: