കോട്ടയം: ഭാരതത്തിന്റെ സാംസ്കാരിക പാരമ്പര്യം നിലനിര്ത്തേണ്ടതിന്റെ ഉത്തരവാദിത്വം ബ്രാഹ്മണസമൂഹവും യോഗക്ഷേമസഭയും ഏറ്റെടുക്കണമെന്ന് ശ്രീശങ്കര ട്രസ്റ്റ് ചെയര്മാനും ശ്രീധരീയം ഗ്രൂപ്പിന്റെ എംഡിയും ആയ ഡോ. എന്.പി.പി. നമ്പൂതിരി അഭിപ്രായപ്പെട്ടു. കുമാരനെല്ലൂര് ദേവീവിലാസം വൊക്കേഷണല് ഹയര് സെക്കണ്ടറി സ്കൂള് ഓഡിറ്റോറിയത്തില് യോഗക്ഷേമസഭാ വാര്ഷിക സമ്മേളനത്തോടനുബന്ധിച്ചു നടന്ന പൊതുയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. യോഗത്തില് യോഗക്ഷേമസഭ ജില്ലാ പ്രസിഡന്റ് അഡ്വ. കെ.എന്. കൃഷ്ണന് നമ്പൂതിരി അദ്ധ്യക്ഷത വഹിച്ചു. സംസ്ഥാന കമ്മറ്റിയംഗങ്ങളായ വി.എസ്. മണിക്കുട്ടന് നമ്പൂതിരി, പി. മാധവന് നമ്പൂതിരി, പ്രണീത ജില്ലാ കോ- ഓര്ഡിനേറ്റര് ഡോ. ജംമ്നാ മോഗന്, ജില്ലാ വൈസ് പ്രസിഡന്റുമാരായ കെ.വി. ദാമോദരന് നമ്പൂതിരി, പി.ഡി. പരമേശ്വരന് നമ്പൂതിരി തുടങ്ങിയവര് സംസാരിച്ചു. ജില്ലാ സെക്രട്ടറി എ.എ. ഭട്ടതിരിപ്പാട് സ്വാഗതവും വനിതാസഭ ജില്ലാ സെക്രട്ടറി കെ.എന്. ശ്രീകല നന്ദിയും പറഞ്ഞു.
രാവിലെ ചേര്ന്ന സംയുക്ത കൗണ്സില് യോഗം യോഗക്ഷേമസഭ സംസ്ഥാന വൈസ് പ്രസിഡന്റ് എസ്കെഎം രാമന് ഉദ്ഘാടനം ചെയ്തു. ജില്ലാ സെക്രട്ടറി റിപ്പോര്ട്ടും ട്രഷറര് കണക്കും അവതരിപ്പിച്ചു.
ജില്ലാ ഭാരവാഹികളായി അഡ്വ. കെ.എന്. കൃഷ്ണന് നമ്പൂതിരി (പ്രസിഡന്റ്), എ.എ. ഭട്ടതിരിപ്പാട് (സെക്രട്ടറി), കെ.വി. ദാമോദരന് നമ്പൂതിരി, പി.ഡി. പരമേശ്വരന് നമ്പൂതിരി, വി.എസ്. മണിക്കുട്ടന് നമ്പൂതിരി (വൈസ് പ്രസിഡന്റുമാര്), മധു ഹോരക്കാട്, ആയാംകുടി വാസുദേവന്, ടി. ഗണപതി ഭട്ടതിരി (ജോയിന്റ് സെക്രട്ടറിമാര്), വൈക്കം പി.എന്. നമ്പൂതിരി (ട്രഷറര്) എന്നിവരെ തെരഞ്ഞെടുത്തു.
ജില്ലാ വനിതാസഭാ ഭാരവാഹികളായി എന്.ജി. ആര്യ (പ്രസിഡന്റ്), കെ.എന്. ശ്രീകല (സെക്രട്ടറി), രാധാകുമാരി (ട്രഷറര്) എന്നിവരെയും യുവജനസഭാ ഭാരവാഹികളായി സതീഷ് എസ്. പോറ്റി (പ്രസിഡന്റ്), എസ്. ഹരിശങ്കര് (സെക്രട്ടറി), എ.കെ. സുരേഷ് (ട്രഷറര്) എന്നിവരെയും തെരഞ്ഞെടുത്തു.
മികച്ച ഉപസഭയ്ക്കുള്ള വി.എസ്. ശങ്കരന് നമ്പൂതിരി മെമ്മോറിയല് എവര്റോളിംഗ് ട്രോഫി അമയന്നൂര് ഉപസഭയ്ക്ക് സമ്മാനിച്ചു.
പ്രതികരിക്കാൻ ഇവിടെ എഴുതുക: