ഏകദന്തം മഹാകായം തപ്തകാഞ്ചന സന്നിഭം
ലംബോദരം വിശാലാക്ഷം വന്ദേളഹം ഗണനായകം
മൗഞ്ജീകൃഷ്ണാജിനധരം നാഗയജ്ഞോപവീതിനം
ബാലേന്ദുവിലാസന്മൗലിം വന്ദേളഹം ഗണനായകം
അംബികാ ഹൃദയാനന്ദം മാതൃഭിഃ പരിപാലിതം
ഭക്തപ്രിയം മദോന്മത്തം വന്ദേളഹം ഗണനായകം
ചിത്രരത്ന വിചിത്രാംഗം ചിത്രമാലാ വിഭൂഷിതം
ചിത്രരൂപധരം ദേവം വന്ദേളഹം ഗണനായകം
ഗജവക്ത്രം സുരശ്രേഷ്ഠം കര്ണചാമര ഭൂഷിതം
പാശാങ്കുശധരം ദേവം വന്ദേളഹം ഗണനായകം
മൂഷികോത്തമമാരുഹ്യ ദേവാസുരമഹാഹവേ
യോദ്ധുകാമം മഹാവീര്യം വന്ദേളഹം ഗണനായകം
യക്ഷകിന്നര ഗന്ധര്വ സിദ്ധവിദ്യാധരൈഃസദാ
സ്തൂയമാനം മഹാത്മാനം വന്ദേളഹം ഗണനായകം
സര്വവിഘ്നഹരം ദേവം സര്വവിഘ്ന വിവര്ജ്ജിതം
സര്വസിദ്ധി പ്രദാതാരം വന്ദേളഹം ഗണനായകം
ഗണാഷ്ടകമിദം പുണ്യം ഭക്തിതോ യഃ പഠേന്നരഃ
വിമുക്ത സര്വപാപേഭ്യോ രുദ്രലോകം സ ഗച്ഛതി
പ്രതികരിക്കാൻ ഇവിടെ എഴുതുക: