കോട്ടയം: ഭാരതീയ വിചാരകേന്ദ്രം സംസ്ഥാന തലത്തില് നടത്തുന്ന ദൈവദശക മന്ത്രശതാബ്ദി ആഘോഷത്തിനുള്ള ഒരുക്കങ്ങള് പൂര്ത്തിയായി. 31ന് ഉച്ചകഴിഞ്ഞ് 3ന് കോട്ടയം തിരുനക്കര ശിവശക്തി ഓഡിറ്റോറിയത്തില് കുട്ടികള് ഒന്നിച്ചണിനിരന്ന് ദൈവദശക ആലാപനവും തുടര്ന്ന് മഹാസമ്മേളനവും നടക്കും. സ്കൂളുകളില് വിവിധ തലങ്ങിളിലായി നടന്ന ഉപന്യാസ, പ്രസംഗ, ആലാപന മത്സരങ്ങളിലെ വിജയികള്ക്കുളഅള സമ്മാനദാനവും ഈ ചടങ്ങില് നടക്കും. ശ്രീനാരായാണഗുരുദേവനാല് വിരചിതമായ ദൈവദശകമന്ത്ര ശതാബ്ദി ആഘോഷത്തിന്റെ സംസ്ഥാനതല ഉദ്ഘാടനമാണ് കോട്ടയത്ത് നടക്കുന്നത്.
തിരുനക്കര ശിവശക്തി ഓഡിറ്റോറിയത്തില് വൈകിട്ട് മൂന്നിന് ധര്മ്മാചാര്യന്മാര് ദീപപ്രോജ്വലനം നടത്തും. തുടര്ന്ന് ആയിരത്തിയൊന്ന് കുട്ടികള് അവതരിപ്പിക്കുന്ന ദൈവദശകമന്ത്രാലാപനം നടക്കും. അതിനുശേഷം ആരംഭിക്കുന്ന മഹാസമ്മേളനം സുപ്രിം കോടതി മുന്ജസ്റ്റിസ് പത്മഭൂഷണന് കെ.ടി. തോമസ് ഉദ്ഘാടനം ചെയ്യും. വര്ക്കല ശിവഗിരിമഠം മഠാധിപതി സ്വാമി പ്രകാശാനന്ദ അനുഗ്രഹ പ്രഭാഷണം നടത്തും. മുന് കേന്ദ്രമന്ത്രി ഒ. രാജഗോപാല് മുഖ്യാതിഥിയായിരിക്കും തപസ്യ സംസ്ഥാന പ്രസിഡന്റ് എസ്. രമേശന് നായര് ശതാബ്ദി സന്ദേശം നല്കും. ഹിന്ദു ഐക്യവേദി സംസ്ഥാന ജനറല് സെക്രട്ടറി കുമ്മനം രാജേശഖരന് വിശിഷ്ടാതിഥിയായിരിക്കും ശതാബ്ദി ആഘോഷ സമിതി ചെയര്മാന് ഡോ. പി.വി. വിശ്വനാഥന് നമ്പൂതിരി അദ്ധ്യക്ഷത വഹിക്കും.
ദൈവദശകത്തെ ആസ്പദമാക്കി കോട്ടയം ജില്ലയിലെ സ്കൂളുകളില് നടത്തിയ മത്സരങ്ങളിലെ വിജയികള്ക്കും സ്കൂളുകള്ക്കും ചടങ്ങില് പുരസ്കാരം വിതരണം ചെയ്യും. ശ്രീനാരായണ ഗുരുദേവന്റെ ഇന്നു ലഭ്യമല്ലാത്ത കൃതികളുടെയും അപൂര്വ്വമായ കയ്യെഴുത്തു പ്രതികളുടെയും ഗുരുദേവന് ഉപയോഗിച്ച വസ്തുക്കളുടെയും പ്രദര്ശിനിയും പുസ്തകശാലയും സമ്മേളന നഗരിയില് ഒരുക്കുന്നുണ്ട്.
പ്രതികരിക്കാൻ ഇവിടെ എഴുതുക: