കോട്ടയം: ‘സാമൂഹ്യമാറ്റത്തിന് പൈതൃകത്തിന്റെ വീണ്ടെടുപ്പ്’ എന്ന സന്ദേശമുയര്ത്ത ബാലഗോകുലത്തിന്റെ ആഭിമുഖ്യത്തിലുള്ള ശ്രീകൃഷ്ണജയന്തി ആഘോഷങ്ങള്ക്ക് ഇന്ന് തുടക്കമാകും. ജില്ലയിലുടനീളം ഇന്ന് പതാകദിനമായി ആചരിക്കും. ഇതോടൊപ്പം വിവിധ കേന്ദ്രങ്ങളില് ഗോമാതാ പൂജയും നടക്കും.
കോട്ടയം ഗാന്ധിസ്ക്വയറില് സ്വാഗതസംഘം വര്ക്കിംഗ് പ്രസിഡന്റ് ജി. വിശ്വനാഥന് നായര്, ടെമ്പിള് കോര്ണറില് സ്വാഗതസംഘം ചെയര്മാന് കെ.വി. വിശ്വനാഥന് കുന്നത്തുകളത്തില്, ചങ്ങനാശേരി ടൗണ് ജില്ലാ ഉപാദ്ധ്യക്ഷന് എന്. മനു, പാമ്പാടിയില് മേഖലാ അദ്ധ്യക്ഷന് വി.എസ്. മധുസൂദനന്, കറുകച്ചാലില് മേഖലാ ഉപാദ്ധ്യക്ഷന് കെ.എസ്. ശശിധരന്, ഏറ്റുമാനൂരില് ജില്ലാ ഉപാദ്ധ്യഷന് എം.ബി. ജയന്, വൈക്കത്ത് ജില്ലാ സഹകാര്യദര്ശി സുരേഷ്കുമാര്, പാലായില് മേഖലാ കാര്യദര്ശി ബിജു കൊല്ലപ്പള്ളി, കാഞ്ഞിരപ്പള്ളിയില് പൊന്കുന്നം ജില്ലാ രക്ഷാധികാരി പി. ജി. മോഹനകുമാര്, പൊന്കുന്നത്ത് അനീഷ് പാലപ്ര, മുണ്ടക്കയത്ത് ആര്. രഞ്ജിത്ത്, ഈരാറ്റുപേട്ടയില് പി.എന്. സുരേന്ദ്രന് എന്നിവര് പതാക ഉയര്ത്തും.
ശ്രീകൃഷ്ണജയന്തി ആഘോഷങ്ങളുടെ ഭാഗമായി ജില്ലാ സ്വാഗതസംഘത്തിന്റെ ആഭിമുഖ്യത്തില് 14-ാമത് ജില്ലാതല ചിത്രരചനാ മത്സരവും ലളിതഗാന മത്സരവും ഇന്ന് രാവിലെ 9 മുതല് കോട്ടയം തിരുനക്കര ശ്രീരംഗം ഓഡിറ്റോറിയത്തില് നടക്കും. ചിത്രകാരന് മോപ്പസാങ് വാലത് ഉദ്ഘാടനം ചെയ്യും. സ്വാഗതസംഘം വര്ക്കിങ് പ്രസിഡന്റ് ജി. വിശ്വനാഥന് നായര് അദ്ധ്യക്ഷത വഹിക്കും. ബാലഗോകുലം മേഖലാ അദ്ധ്യക്ഷന് വി.എസ്. മധുസൂദനന് പ്രഭാഷണം നടത്തും. ചിത്രരചനയില് എല്പി വിഭാഗങ്ങള്ക്ക് ക്രയോണ് ഉപയോഗിച്ചും യുപി, എച്ച്എസ്, പ്ലസ്ടു വിഭാഗങ്ങള്ക്ക് ജലച്ചായം ഇനത്തിലുമാണ് മത്സരം നടക്കുന്നത്. ലളിതഗാന മത്സരത്തില് എല്പി, യുപി, എച്ച്എസ് എന്നീ വിഭാഗങ്ങളിലും മത്സരം നടക്കും. 2ന് സ്വാഗതസംഘം ചെയര്മാന് കെ.വി. വിശ്വനാഥന് കുന്നത്തുകളത്തില് സമ്മാനദാനം നിര്വ്വഹിക്കും.
വൈകുന്നേരം 5ന് ജന്മാഷ്ടമി സാംസ്കാരിക സമ്മേളനം ചിത്രകാരന് കാനായി കുഞ്ഞിരാമന് ഉദ്ഘാടനം ചെയ്യും. സ്വാഗതസംഘം ചെയര്മാന് കെ.വി. വിശ്വനാഥന് അദ്ധ്യക്ഷത വഹിക്കും. ചലച്ചിത്രതാരം പ്രവീണ മുഖ്യാതിഥിയായി പങ്കെടുക്കും. ബാലഗോകുലം സംസ്ഥാന ജനറല് സെക്രട്ടറി പ്രസന്നകുമാര് കടമ്മനിട്ട മുഖ്യപ്രഭാഷണം നടത്തും. ബാലഗോകുലം സംസ്ഥാന രക്ഷാധികാരി പ്രൊഫ. സി.എന്. പുരുഷോത്തമന്, ആര്എസ്എസ് വിഭാഗ് പ്രചാരക് അനീഷ്, സ്വാഗതസംഘം ജനറല് സെക്രട്ടറി ശരത് വി. നാഥ്, ജില്ലാ കാര്യദര്ശി ബി. അജിത്, സംഘടനാ കാര്യദര്ശി കെ.ജി. രജ്ജിത് തുടങ്ങിയവര് സംസാരിക്കും. തുടര്ന്ന് ബാലഗോകുലം കുട്ടികള് അവതരിപ്പിക്കുന്ന വിവിധ കലാപരിപാടികള് നടക്കും.
പ്രതികരിക്കാൻ ഇവിടെ എഴുതുക: