കോട്ടയം: 1965ല് ഗ്വാളിയാറില് ചേര്ന്ന ഭാരതീയ ജനസംഘത്തിന്റെ അഖിലഭാരതീയ പ്രതിനിധിസഭയില് പണ്ഡിറ്റ് ദീനദയാല് ഉപാദ്ധ്യായ അവതരിപ്പിച്ച ഏകാത്മ മാനവദര്ശനം സ്വാതന്ത്ര്യഭാരത്തിന് മുമ്പോട്ടുള്ള പ്രയാണത്തിനുള്ള മാര്ഗ്ഗരേഖയാണെന്ന് ജനസംഘത്തിന്റെ മുന് സംഘടനാ സെക്രട്ടറിയും ജന്മഭൂമി മുന് ചീഫ് എഡറ്ററുമായ പി. നാരായണന് അഭിപ്രായപ്പെട്ടു. ദീനദയാല് ഉപാദ്ധ്യായയുടെ 98-ാം ജന്മദിനത്തോടനുബന്ധിച്ച് കോട്ടയത്ത് നടന്ന സമ്മേളനത്തില് ഏകാത്മ മാനവദര്ശനം സിദ്ധാന്തവും പ്രയോഗവും എന്ന പുസ്തകത്തിന്റെ പ്രകാശനം നിര്വ്വഹിക്കുകയായിരുന്നു അദ്ദേഹം.
കെ. രാമന്പിള്ള പുസ്തകം ഏറ്റുവാങ്ങി. താന് ഏറ്റവും കൂടുതല് ഇഷ്ടപ്പെടുന്ന പ്രത്യയശാസ്ത്രമാണ് ഏകാത്മ മാനവര്ദശനമെന്ന് അദ്ദേഹം പറഞ്ഞു. ബിജെപി ജില്ലാ പ്രസിഡന്റ് ഏറ്റുമാനൂര് രാധാകൃഷ്ണന് അദ്ധ്യക്ഷത വഹിച്ച യോഗത്തില് ആര്എസ്എസ് പ്രാന്തീയസഹകാര്യവാഹക് അഡ്വ. എന്. ശങ്കര്റാം, തോമസ്കുട്ടി മാത്യു എന്നിവര് പ്രസംഗിച്ചു.
ഗ്രന്ഥകര്ത്താവ് പ്രൊഫ. ബി. വിജയകുമാര് മറുപടി പ്രസംഗം നടത്തി. ബിജെപി സംസ്ഥാന സെക്രട്ടറിമാരായ ബി. രാധാകൃഷ്ണമേനോന്, അഡ്വ. നാരായണന് നമ്പൂതിരി, ട്രഷറര് എം.ബി. രാജഗോപാല്, മേഖല ജനറല് സെക്രട്ടറി കെ.ജി. രാജ്മോഹന്, കെ.എം. സന്തോഷ്കുമാര്, സി.എന്. സുഭാഷ് തുടങ്ങിയവര് സംബന്ധിച്ചു.
പ്രതികരിക്കാൻ ഇവിടെ എഴുതുക: