എങ്ങനെ ഞാന് ഭഗവാനിലെത്തും? നീ പലപ്പോഴും എന്നോട് ഈ ചോദ്യം ചോദിക്കാറുണ്ട്. ”ഭഗവാനെ നിരന്തരം സ്മരിച്ചുകൊണ്ടിരിക്കൂ” ഇത് നിന്റെ പ്രശ്നത്തിനുള്ള ഉത്തരമാണ്. നിന്റെ ജീവിതത്തിന്റെ ഓരോ നിമിഷവും ഈശ്വരസ്മരണയാല് പരിപാവനമാക്കൂ. ഈ സാധന വളരെ ഊര്ജ്ജസ്വലതയോടെയും ആത്മാര്ത്ഥതയോടും ആചരിക്കൂ. എന്റെയോ മറ്റുള്ളവരുടെയോ പ്രശംസയ്ക്കു വേണ്ടിയുള്ള ഒരു പ്രകടനമായി ഈ സാധന മാറരുത്.
മത്സരബുദ്ധിയോടെ ഈ സാധന അനുഷ്ഠിക്കരുത്. പവിത്രമായ ഹൃദയത്തോടെ മാത്രം ഈ സാധന അനുഷ്ഠിക്കൂ. നിന്റെ അന്തരംഗത്തില് സ്ഥിതിചെയ്യുന്ന ഭഗവാന്റെ അടുത്ത് നിനക്ക് എത്തേണ്ടതുണ്ട്. നിന്റെ ശാരീരികവും മാനസികവും ആദ്ധ്യാത്മികവുമായ ശക്തികളെ ആ ലക്ഷ്യപ്രാപ്തിക്കുവേണ്ടി നിയോഗിക്കേണ്ടതുണ്ട്. നിരന്തരമായ ഭഗവദ്സ്മരണ നിന്നെ ദൈവികമല്ലാത്ത കൃത്യങ്ങളില്നിന്നും പിന്തിരിപ്പിക്കുന്നു. ഭഗവാനെ വാഴ്ത്തിപ്പാടുന്നത്, മറ്റുള്ളവരെ നിന്ദിക്കുന്നതില്നിന്നും നിന്നെ തടയുന്നു. ഭഗവാനെ മനസ്സില് കാണുന്നത്, ക്ഷണികമായ കാര്യങ്ങളില് മേലുള്ള ആഗ്രഹങ്ങളെ ഇല്ലായ്മ ചെയ്യുന്നു.
ഭഗവാനെക്കുറിച്ച് കേള്ക്കുന്നത് അര്ത്ഥമില്ലാത്ത വൃഥാ സംഭാഷണങ്ങളില്നിന്നും നിന്നെ പിന്തിരിപ്പിക്കുന്നു. സ്വാമിയില് ആത്മാര്പ്പണം ചെയ്ത് ശരണാഗതി തേടുന്നത്, നിന്നെ വ്യഥകളില്നിന്നും വിഷമതകളില്നിന്നും മോചിപ്പിക്കുന്നു. ഈശ്വരനെ അകമഴിഞ്ഞ് സ്നേഹിക്കുന്നത് മറ്റു ബന്ധങ്ങളുടെയും ബന്ധനങ്ങളുടെയും ചങ്ങലകള് പൊട്ടിച്ചെറിയാന് നിന്നെ സഹായിക്കുന്നു. നിന്റെ ചിന്തകള്, വാക്കുകള്, പ്രവൃത്തികള്, കാഴ്ചശക്തി, ശ്രവണശക്തി തുടങ്ങിയവയെല്ലാം ഭഗവാന് സമര്പ്പിക്കുക. സര്വ്വവും ഈശ്വരനുവേണ്ടി നിറവേറ്റുക. ഈശ്വരനിലെത്താനുള്ള വഴി അതാണ്. ഈശ്വരനെ അറിയുക. ഈശ്വരന് തന്നെ ആകുക.
പ്രതികരിക്കാൻ ഇവിടെ എഴുതുക: