കോട്ടയം: തിരുനക്കര മഹാദേവക്ഷേത്രത്തിലെ ഉപദേവതയായ ഭഗവതിയുടെ അല്പശി ഉത്സവത്തിന് 27ന് കൊടിയേറും. രാവിലെ 5.30ന് മഹാഗണപതിഹോമം, വൈകിട്ട് 5ന് തിരുനക്കര മഹാദേവ ഭജന സംഘത്തിന്റെ ഭജനക്കും ശേഷം ക്ഷേത്രം തന്ത്രി കണ്ഠരര് മഹേശ്വരരുടെ മുഖ്യകാര്മ്മികത്വത്തില് കൊടിയേറ്ര് നടക്കും. നവംബര് ഒന്നിനാണ് ആറാട്ട്.
29ന് സുബ്രഹ്മണ്യസ്വാമി ക്ഷേത്രത്തില് സ്കന്ദഷഷ്ഠി വിപുലമായി ആചരിക്കുന്നതിനും ക്ഷേത്രോപദേശക സമിതിയോഗം തീരുമാനിച്ചു. പ്രസിഡന്റ് സി.എന്. സുഭാഷ് അദ്ധ്യക്ഷത വഹിച്ച യോഗത്തില് സെക്രട്ടറി ബാബു തടത്തുംകുഴി, വൈസ് പ്രസിഡന്റ് മോഹന് കെ. നായര്, ജനറല് കണ്വീനര് പി.ജെ. ഹരികുമാര്, കണ്ണന് മന്നക്കുന്നം, മനോജ് ജി. പൈ, സന്ജു തോട്ടത്തില്ച്ചിറയില്, വി.എ. രാമചന്ദ്രന് തുടങ്ങിയവര് സംസാരിച്ചു.
ആര്പ്പൂക്കര ക്ഷേത്രത്തില്
കോട്ടയം: ആര്പ്പൂക്കര സുബ്രഹ്മണ്യസ്വാമി ക്ഷേത്രത്തില് സ്കന്ദഷഷ്ഠി മഹോത്സവം 29ന് നടക്കും. രാവിലെ 5.30ന് ഷഷ്ഠിവിളക്ക്, 6ന് ഗണപതിഹോമം, 10.30ന് പ്രൊഫ. വി.എം. നാരായണപ്പണിക്കരുടെ പ്രഭാഷണം, ഉച്ചയ്ക്ക് 1.30ന് ഷഷ്ഠിപൂജ, വൈകിട്ട് 6.30ന് ദീപാരാധന എന്നിവ നടക്കും.
പ്രതികരിക്കാൻ ഇവിടെ എഴുതുക: