ഭൗതികസംസ്കാരത്തിന്റെ സ്വാധീനം മൂലം ഇന്നു ദുരാഗ്രഹവും ശാരീരിക സുഖേച്ഛയും വര്ദ്ധിച്ചുവരുന്നു. പുരുഷന്റെമേല്, സ്ത്രീക്കുണ്ടായിരുന്ന ധാര്മ്മികനിയന്ത്രണം നഷ്ടമായി.
പുരുഷന് ഭൗതികനേട്ടം മാത്രം കൊതിച്ചു സ്വാര്ത്ഥമതിയായി. ഭര്ത്താവു തന്നെ അടിച്ചമര്ത്തുന്നതായി ഭാര്യ കരുതിത്തുടങ്ങി. പരസ്പരം വിദേ്വഷവും മാത്സര്യവും നാമ്പെടുത്തു. കുട്ടികളില് നല്ല സ്വഭാവം വളര്ത്തേണ്ട മാതാപിതാക്കള് അവരില് സ്വാര്ത്ഥതയുടെയും മാത്സര്യത്തിന്റെയും വിഷവിത്തുകള് പാകി. അതു പടര്ന്നു പന്തലിച്ച് ഇന്ന് അതിന്റെ എല്ലാ ഭീകരതയോടും കൂടി വളര്ന്നു നില്ക്കുന്നു. ഇതില്നിന്നും ഒരു മോചനം വേണമെങ്കില് സ്ത്രീപുരുഷസമത്വത്തിലുപരി സ്ത്രീയും പുരുഷനും കുടുംബജീവിതത്തില് അവനവന്റെ പങ്കു അറിഞ്ഞ് ജീവിക്കുകയാണാവശ്യം. പണം മാത്രം നമുക്കു ശാന്തി പകരില്ല.
ധനംകൊണ്ട് ആരും ഇന്നേവരെ സ്വഭാവശുദ്ധിയോ ആത്മശക്തിയോ നേടിയിട്ടില്ല. സ്വയം ആത്മസംതൃപ്തി എന്തെന്നറിയാത്ത മാതാപിതാക്കള്ക്കു തങ്ങളുടെ കുട്ടികളില് പരസ്പരധാരണയുടെയും വിട്ടുവീഴ്ചയുടെയും സംസ്കാരം ഊട്ടിയുറപ്പിക്കുവാന് എങ്ങനെ കഴിയും? ഇതുകാരണം ഓരോ തലമുറ കഴിയുന്തോറും സമൂഹത്തില് ആസുരികശക്തികള്ക്കു സ്ഥാനം വര്ദ്ധിക്കുന്നു. അതുകൂടാതെ കഴിക്കണമെങ്കില് മാതാപിതാക്കള് ആദ്യം സ്വയം ആദ്ധ്യാത്മികസംസ്കാരം ഉള്ക്കൊണ്ടു ജീവിച്ചേ മതിയാകൂ.
പ്രതികരിക്കാൻ ഇവിടെ എഴുതുക: