എരുമേലി: ശബരിമല തീര്ത്ഥാടനത്തിന്റെ ഭാഗമായി നിര്മ്മാണമാരംഭിച്ച കണമല പുതിയ പാലത്തിന്റെ അപ്രോച്ചിട് റോഡ് സ്വകാര്യവ്യക്തി കയ്യേറിയതിനെ തുടര്ന്ന് പാലത്തിന്റെ പണി പൂര്ത്തീകരണം നിര്ത്തിവച്ചു. കണലയില് സ്വകാര്യവ്യക്തി റോഡിനോട് ചേര്ന്ന് കെട്ടിടം നിര്മ്മിച്ചതുമായി ബന്ധപ്പെട്ട് നല്കിയ പരാതിയുടെ അടിസ്ഥാനത്തില് ലോകായുക്തിന്റെ നിര്ദ്ദേശാനുസരണം തഹസീല്ദാറും കളക്ടറും നടത്തിയ സ്ഥലപരിശോധനയില് 10 മീറ്റര് വീതിയുണ്ടായിരുന്ന റോഡിന് 8.8 മീറ്റര് വീതി മാത്രമാണുള്ളതെന്നും സര്വ്വേവകുപ്പും, പിഡബഌുഡിയും സ്ഥാപിച്ച അതിര്ത്തി നിര്ണ്ണയ കല്ലുള് കാണാനില്ലെന്നും കളക്ടര് കണ്ടെത്തിയിരുന്നു. എന്നാല് കണമല പുതിയ പാലത്തിലേക്കുള്ള അപ്രോച്ചിട് റോഡിന്റെ വീതിയില് കുറവു വന്നതിനെക്കുറിച്ച് പിഡബഌുഡി റിപ്പോര്ട്ട് വാങ്ങണമെന്നും കളക്ടര് നിര്ദ്ദേശിച്ചിരുന്നു.
കണമല കേന്ദ്രമായി പ്രവര്ത്തിക്കുന്ന മുബാറക് ചാരിറ്റബിള് സൊസൈറ്റിയുടെ പേരില് പ്രസിഡന്റ് അബ്ദുള് കരിം മൗലവി ലോകായുക്തയില് നല്കിയ 2091/07 നമ്പര് കേസിലാണ് ജില്ലാകളക്ടര് 20-12-2008-ല് അന്വേഷണ റിപ്പോര്ട്ട് നല്കിയിരിക്കുന്നത്.
എന്നാല് കണമല പുതിയപാലം നിര്മ്മാണമാരംഭിച്ച കൂടുതല് നാളിതുവരെ വിവിധ കാരണങ്ങള് ചൂണ്ടിക്കാട്ടി സ്വകാര്യവ്യക്തി പാലം പണി തടസ്സപ്പെടുത്തുകയാണെന്നും നാട്ടുകാര് ചൂണ്ടിക്കാട്ടി. കണമല പാലത്തിലേക്കുള്ള അപ്രോച്ചിട് റോഡിന്റെ ഭൂമി അളന്ന്തിരിച്ചു നല്കിയിരുന്നതാണെങ്കിലും കഴിഞ്ഞദിവസം റോഡ് പണിയാനെത്തിയ പണിക്കാരെ സ്വകാര്യവ്യക്തി തടയുകയായിരുന്നു. ഇതേ തുടര്ന്ന് ഇന്നലെ വീണ്ടും സര്വ്വേയര് എത്തി സ്ഥലം അളക്കാന് ശ്രമിച്ചപ്പോള് വീണ്ടും തടഞ്ഞതോടെയാണ് അപ്രോച്ചിട് റോഡ് പണികള് നിര്ത്തിവച്ചത്.
എന്നാല് കളക്ടറുടെ അന്വേഷണ റിപ്പോര്ട്ടിന്റെ അടിസ്ഥാനത്തില് റോഡിന് വീതികുറഞ്ഞുവെന്ന കണ്ടെത്തിയ സാഹചര്യത്തില് കയ്യേറിയ സ്ഥലം തിരിച്ചുപിടിക്കാനോ തുടര്നടപടികള് സ്വീകരിക്കാനോ ബന്ധപ്പെട്ടവര് ശ്രമിക്കുന്നില്ലെന്നും നാട്ടുകാര് പറഞ്ഞു. ശബരിമല തീര്ത്ഥാടനത്തിന്റെ പ്രധാനപാതയിലെ കണമലപാലം നിര്മ്മാണം ഇതോടെ പ്രതിസന്ധിയിലേക്കാണ് നീങ്ങുന്നത്. റോഡ് പുറംമ്പോക്ക് പമ്പാനദിയുടെ ആറ്റുപുറംമ്പോക്കും കയ്യേറിയ സ്വകാര്യ വ്യക്തിയെ സഹായിക്കാനുള്ള നടപടിയാണ് ചില ഉദ്യോഗസ്ഥരുടെ ഭാഗത്തുനിന്നും ഉണ്ടാകുന്നതെന്നും ബിജെപി പൂഞ്ഞാര് നിയോജകമണ്ഡലം പ്രസിഡന്റ് വി.സി. അജികുമാര് പറഞ്ഞു.
ശബരിമല തീര്ത്ഥാടനമാരംഭിക്കാന് ദിവസങ്ങള് മാത്രം ബാക്കി നില്ക്കെ പാലം പണി പൂര്ത്തീകരിക്കാനുള്ള തീവ്രശ്രമത്തിന് കനത്ത തിരിച്ചടിയാണ് ഉണ്ടായിരിക്കുന്നത്. പാലം പണി അട്ടിമറിക്കാനുള്ള നീക്കത്തിനെതിരെ ബിജെപി സമരരംഗത്തിറങ്ങും.
പ്രതികരിക്കാൻ ഇവിടെ എഴുതുക: