ട്രെയിന്‍ ഗതാഗതത്തിനു നിയന്ത്രണം

Saturday 1 November 2014 12:48 am IST

കൊച്ചി: ആലുവയ്ക്കും അങ്കമാലിക്കും ഇടയില്‍ പാലത്തില്‍ അറ്റകുറ്റപ്പണി നടക്കുന്നതിനാല്‍ ട്രെയിന്‍ ഗതാഗതത്തിനു നവംബര്‍ ഒന്ന്, അഞ്ച്, എട്ട് തീയതികളില്‍ നിയന്ത്രണം ഏര്‍പ്പെടുത്തി. വൈകിട്ട് 7.35 നുള്ള എറണാകുളം - ഗുരുവായൂര്‍ പാസഞ്ചര്‍ ഈ ദിവസങ്ങളില്‍ സര്‍വീസ് നടത്തില്ല. നിലമ്പൂര്‍ - എറണാകുളം പാസഞ്ചര്‍ (56363) ചാലക്കുടിയില്‍ യാത്ര അവസാനിപ്പിക്കും. വൈകിട്ട് 6.05നുള്ള എറണാകുളം - ഷൊര്‍ണൂര്‍ പാസഞ്ചര്‍ ചാലക്കുടിയില്‍ (രാത്രി 7.10) നിന്നായിരിക്കും പുറപ്പെടുക. കണ്ണൂര്‍ - എറണാകുളം ഇന്റര്‍സിറ്റി, ലോകമാന്യതിലക് - എറണാകുളം തുരന്തോ, ഗുരുവായൂര്‍ ചെന്നൈ എഗ്മൂര്‍ എക്‌സ്പ്രസ്, മംഗലാപുരം - തിരുവനന്തപുരം എക്‌സ്പ്രസ്, തിരുവനന്തപുരം - ചെന്നൈ മെയില്‍, എറണാകുളം - ഓഖ എന്നീ ട്രെയിനുകള്‍ ഈ ദിവസങ്ങളില്‍ 10 മിനിറ്റു മുതല്‍ ഒരു മണിക്കൂര്‍ വരെ വൈകാനും സാധ്യതയുണ്ട്.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.