കൃഷ്ണനെ അറിയാന് ആഗ്രഹിക്കുന്നവര് ഭഗവദ്ഗീത(18.55)യില് അദ്ദേഹം നിര്ദ്ദേശിക്കുന്ന മാര്ഗം അനുസരിക്കണം. ഭക്ത്യാ മാമഭിജാ നാതിയാവാന് യശ്ചാസ്മി തത്ത്വതഃ, ” ഭക്തികൊണ്ടു മാത്രമേ ഭഗവാന് എന്നനിലയില് എന്നെ മനസ്സിലാക്കാന് കഴിയുകയുള്ളൂ.” ഭക്തിയുതസേവനത്തിലൂടെയല്ലാതെ കൃഷ്ണനെ മനസ്സിലാക്കാന് മാര്ഗമില്ല.
ഭഗവാന് കൃഷ്ണന് ശ്രീ ചൈതന്യമഹാപ്രഭുവിന്റെ രൂപത്തില് പ്രത്യക്ഷപ്പെട്ടപ്പോഴും ഭക്തിയുതസേവനത്തിലൂടെ ശ്രീകൃഷ്ണനെ പ്രാപിക്കാനാണു നിര്ദ്ദേശിച്ചത്. അപ്പോള് ഈ രീതിയില് മാത്രമേ കൃഷ്ണനെ പ്രാപിക്കാനാകൂ എന്നതു തീര്ച്ചയാണ്.
ചൈതന്യ മഹാപ്രഭുവിന്റെ ശിഷ്യപരമ്പര പിന്തുടര്ന്ന്, വൃന്ദാവനത്തിലെ ആറു ഗോസ്വാമിമാര് ഭഗവാന് കൃഷ്ണനെക്കുറിച്ച് വളരെ വിപുലമായി ഗ്രന്ഥങ്ങള് എഴുതിയിട്ടുണ്ട്.
ഈ രഹസ്യമയമായ വെളിപാടുകള് ലോകമെമ്പാടും വ്യാപിപ്പിക്കേണ്ടതാണ്. ഈ ഗോസ്വാമിമാരുടെ നിഗൂഡമായ യുക്തിയും വ്യാപകമായ അപഗ്രഥന ദര്ശനവും ആധുനിക ചിന്തകന്മാരുടെ ശ്രദ്ധയില് ഇനിയും പെട്ടിട്ടില്ല. ഈ പോരായ്മകളുടെ പാപഭാരം നമ്മുടെ മേല്തന്നെ പതിക്കും. ശ്രീല രൂപ ഗോസ്വാമിയുടേയും ശ്രീല രഘുനാഥ ദാസ ഗോസ്വാമിയുടെയും ശിക്ഷണങ്ങള് പ്രചരിപ്പിക്കാന് സ്ഥാപിച്ചതാണ് ഗൗഡീയ മഠം.
പ്രതികരിക്കാൻ ഇവിടെ എഴുതുക: