കൊല്ലം: മൂന്നുദിവസങ്ങളിലായി കൊല്ലത്ത് നടന്ന സംസ്ഥാന സ്കൂള് ഗെയിംസ് ഗ്രൂപ്പ് രണ്ട് മല്സരങ്ങള് സമാപിച്ചു. ആറു സ്വര്ണവും ഒരു വെള്ളിയും രണ്ടുവെങ്കലവും ഉള്പ്പടെ 70 പോയിന്റ് നേടി തിരുവനന്തപുരം ഗ്രൂപ്പ് ചാമ്പ്യന്മാരായി. മൂന്നു സ്വര്ണവും നാലു വെള്ളിയും രണ്ട് വെങ്കലവും ഉള്പ്പടെ 58 പോയിന്റുമായി പാലക്കാട് രണ്ടാം സ്ഥാനവും മൂന്നു സ്വര്ണവും ഒരു വെള്ളിയും നേടി 36 പോയിന്റുമായി വയനാട് മൂന്നാം സ്ഥാനവും കരസ്ഥമാക്കി.
ഗ്രൂപ്പ് ഒന്ന് മല്സരങ്ങള് പാലക്കാട് നടന്നിരുന്നു. ഗ്രൂപ്പ് മൂന്ന് മല്സരങ്ങള്ക്ക് കാസര്ഗോഡ് വേദിയാവും. സംസ്ഥാന സ്കൂള് ഗെയിംസില് ജൂഡോയില് 83.5 പോയിന്റുമായി തിരുവനന്തപുരം കിരീടം നേടി. 12 സ്വര്ണവും ഏഴ് വെള്ളിയും അഞ്ച് വെങ്കലവും കരസ്ഥമാക്കിയാണ് തിരുവനന്തപുരത്തിന്റെ നേട്ടം.
എട്ട് സ്വര്ണവും എട്ട് വെള്ളിയും അഞ്ച് വെങ്കലവും ഉള്പ്പടെ 66.5 പോയിന്റ് നേടി തൃശൂര് രണ്ടാം സ്ഥാനവും നാല് സ്വര്ണവും ഏഴ് വെള്ളിയും 11 വെങ്കലവും ഉള്പ്പടെ 46.5 പോയിന്റുമായി എറണാകുളം മൂന്നാം സ്ഥാനവും കരസ്ഥമാക്കി.
ജൂനിയര് പെണ്കുട്ടികളുടെ ബാസ്കറ്റ് ബാള് മത്സരത്തില് കോഴിക്കോട് സ്വര്ണം നേടിയപ്പോള് തൃശൂരും കോട്ടയവും രണ്ടും മൂന്നും സ്ഥാനങ്ങളിലെത്തി. ജൂനിയര് ആണ്കുട്ടികളുടെ ഹോക്കിയില് തിരുവനന്തപുരത്തിനാണ് ഒന്നാം സ്ഥാനം. മലപ്പുറവും പാലക്കാടും രണ്ടും മൂന്നും സ്ഥാനങ്ങളില് എത്തി. ജൂനിയര് പെണ്കുട്ടികളുടെ ടേബിള് ടെന്നീസില് വയനാട് ഒന്നാമതെത്തിയപ്പോള് കോഴിക്കോടും എറണാകുളവും രണ്ടും മൂന്നും സ്ഥാനങ്ങള് നേടി.
ജൂനിയര് ആണ്കുട്ടികളുടെ ടേബിള് ടെന്നീസില് വയനാട് ജേതാവായി. പാലക്കാടും ഇടുക്കിയും രണ്ടും മൂന്നും സ്ഥാനങ്ങളിലെത്തി. സീനിയര് ആണ്കുട്ടികളുടെ ഖോഖോയില് മലപ്പുറത്തിനാണ് വിജയം. പാലക്കാടും തിരുവനന്തപുരവും രണ്ടും മൂന്നും സ്ഥാനങ്ങളിലെത്തി.
സീനിയര് പെണ്കുട്ടികളുടെ ബാസ്കറ്റ്ബാള് മത്സരത്തില് കോഴിക്കോട് വിജയിച്ചു. തൃശൂര്, കണ്ണൂര് ജില്ലകള് രണ്ടും മൂന്നും സ്ഥാനങ്ങളിലെത്തി. സീനിയര് പെണ്കുട്ടികളുടെ ഹോക്കിയില് തിരുവനന്തപുരം ജേതാക്കളായി. കൊല്ലവും പാലക്കാടും രണ്ടും മൂന്നും സ്ഥാനങ്ങളിലെത്തി.
സീനിയര് പെണ്കുട്ടികളുടെ ഖോഖോയില് പാലക്കാടിനാണ് വിജയം. ആലപ്പുഴയും തൃശൂരും രണ്ടും മൂന്നും സ്ഥാനങ്ങളിലെത്തി. സീനിയര് ബോയ്സ് ഹോക്കിയില് തിരുവനന്തപുരം വിജയിച്ചു. മലപ്പുറം രണ്ടാം സ്ഥാനത്ത് എത്തിയപ്പോള് ആതിഥേയ ജില്ലയായ കൊല്ലം മൂന്നാമത് എത്തി. സീനിയര് പെണ്കുട്ടികളുടെ ടേബില് ടെന്നീസില് പാലക്കാട് സ്വര്ണം നേടി. വയനാട് വെള്ളി നേടിയപ്പോള് തൃശൂരിനാട് മൂന്നാം സ്ഥാനം.
സീനിയര് പെണ്കുട്ടികളുടെ ഹോക്കിയില് തിരുവനന്തപുരവും കൊല്ലവുമായി നടന്ന മത്സരത്തില് നിന്ന്. തിരുവനന്തപുരം വിജയിച്ചു.
പ്രതികരിക്കാൻ ഇവിടെ എഴുതുക: