ചില ശാസ്ത്ര നിയമമനുസരിച്ചുള്ള പ്രദക്ഷിണക്രമങ്ങള് ചുവടെ കൊടുക്കുന്നു. ഗണപതിക്ക് ഒരു പ്രാവശ്യം, സുര്യന് 2, ശിവന് 3, ദേവിക്കും വിഷ്ണുവിനും 4, ആലിന് 7, കൂടാതെ 21 പ്രാവശ്യം പ്രദക്ഷിണം വയ്ക്കുന്നത് അത്യുത്തമവും. ഇതിന്റെ ശാസ്ത്രീയാധാരം ദേവതകളുടെ തത്വത്തെ സംബന്ധിച്ചാകുന്നു.
ശിവക്ഷേത്രത്തില് പ്രദക്ഷിണവും അപ്രദക്ഷിണവും കൂടിയാകുന്നു. ഗണപതിക്ക് പ്രദക്ഷിണം വച്ചാല് ഏത്തമിട്ടുകൂടി തൊഴണം. സൂര്യന് പാദനമസ്കാരവും വിഷ്ണുവിന് സാക്ഷ്ടാംഗ നമസ്കാരവും വേണം ഗുരുവിന് പ്രദക്ഷിണം മൂന്നുപ്രാവശ്യമാണ്. അഗ്നിക്ക് ഏഴും തീര്ത്ഥങ്ങള്ക്ക് അഞ്ചുമാണ് വേണ്ടത്. ഇതുകൂടാതെ പ്രദക്ഷിണസൗക
ര്യമില്ലാത്തപ്പോള് ആത്മപ്രദക്ഷിണം വയ്ക്കാനും വിധിയുണ്ട്. ആത്മപ്രദക്ഷിണം മൂന്നില് അധികരിക്കാന് പാടുള്ളതല്ല. ആത്മപ്രദക്ഷിണത്തിനുശേഷം ഏതെങ്കിലുംതരം നമസ്കാരം കൂടിയേ കഴിയൂ. ശയനപ്രദക്ഷിണം, ദണ്ഡശയനം ഇവപോലെ ശത-സഹസ്ര-അയൂത സംഖ്യാപ്രദക്ഷിണവും ഉദയാസ്തമയ പ്രദക്ഷിണവും ദേവ പ്രീത്യര്ത്ഥം നടന്നുവരാറുണ്ട്. ഇങ്ങനെ നമ്മുടെ സമര്പ്പണത്തിന്റെ ബാഹ്യപ്രാകട്യങ്ങള് എത്രയും വര്ദ്ധിപ്പിക്കാം. എന്നാല് മനസ്സുകൊണ്ട് പൂര്ണത്യാഗഭാവന പുലര്ത്തിയാല് തന്റെ ഏതു ദിശയിലേയ്ക്കുള്ള നടപ്പും പ്രദക്ഷിണമായിത്തന്നെ കാണാവുന്നതാണെന്ന് ശാസ്ത്രങ്ങള്.
പ്രതികരിക്കാൻ ഇവിടെ എഴുതുക: