ചാന്ദിപൂര്: തദ്ദേശീയമായി വികസിപ്പിച്ച പൃഥിവി 2 ആണവ മിസൈല് ഇന്ത്യ വിജയകരമായി പരീക്ഷിച്ചു. 350 കിലോമീറ്റര് ദൂരപരിധിയുള്ള ഭൂതല മിസൈലാണ് ചാന്ദിപൂരിലെ വിക്ഷേപണ കേന്ദ്രത്തില് നിന്ന് സൈന്യം വിജയകരമായി വിക്ഷേപിച്ചത്.
500 മുതല് 1000 കിലോഗ്രാം വരെ ഭാരം വഹിക്കാനുള്ള ശേഷി ഈ മിസൈലിനുണ്ടെന്ന് സൈനിക വക്താവ് പറഞ്ഞു. ദ്രവ ഇന്ധനം ഉപയോഗിച്ച് പ്രവര്ത്തിക്കുന്ന രണ്ട് എന്ജിനുകള് ഘടിപ്പിച്ചിരിക്കുന്ന ഈ മിസൈല് വക്രഗതിയിലും സഞ്ചരിപ്പിക്കാന് സാധിക്കും. പരീക്ഷണം സമ്പൂര്ണ വിജയമായിരുന്നെന്ന് ഐടിആര് ഡയറക്ടര് എം.വി.കെ.വി. പ്രസാദ് പറഞ്ഞു. പ്രതിരോധ വകുപ്പിന് വേണ്ടി നിര്മിച്ചിരിക്കുന്ന മിസൈലിന്റെ പ്രവര്ത്തനം വിലയിരുത്തിയത് ഡിആര്ഡിഒ ശാസ്ത്രജ്ഞന്മാരാണ്. ഒഡീഷ തീരത്ത് നടത്തിയ പരീക്ഷണം വിജയകരമായി പൂര്ത്തിയാക്കിയ മിസൈല് വിക്ഷേപണം ബംഗാള് ഉള്ക്കടലില് നങ്കൂരമിട്ടിരുന്ന നാവികസേനയുടെ കപ്പലിലിരുന്നാണ് ശാസ്ത്രജ്ഞര് നിരീക്ഷിച്ചത്.
പ്രതികരിക്കാൻ ഇവിടെ എഴുതുക: